|
|
Hornsíli
(e. Threespice Sticleback) Gasterosteus aculeatus
Hornsíli úr Hegranesinu (Skagafjörður) í leit að tubifex ormum sem lifa í botnsetinu. Fæðuhættir hornsíla er mismunandi enda lifa þau í ferskvatni, íssöltu, og sjó. Botnlæg hornsíli sem koma úr stöðuvatni stínga oft trýninu beint (90) niður í setið við fæðunám. þau sem koma úr rennandi vatni hegða sér öðurvísi, vísa trýninu 45 gráður við botn. |
|
|
|
|
|
|
|
Búsvæði hornsíla er fjölbreytilegt, í Hegranesinu finnast þau í síkjum og vötnum og þá oft undir síkjabökkum eins og hér er sýnt. | |
| Þessi búr rúma 1500 lítra af vatni, í búrinu til vinstri eru bleikjur úr Vatnshlíðarvatni (Skagafjörður). Sýnt hefur verið fram á að í þessu vatni séu tvær ólíkar svipgerðir af bleikju. |
|
|
|
|
Kynþroska hængar verða ansi skrautlegir yfir hrygningartímann, blá augu og appelsínugulur kviður er einkennandi fyrir þennan stofn. Hængar verja þá svæði og byggja sér hreiður sem þeir búa til úr plöntuleifum og öðru þvíumlíku. Hreiðið er oft kúlulaga hnykill sem þeir hafa límt saman með slími (nýru seyta slíminu á hrygningartímanum). | |
| Hængur syndir með hreiðurefni sem hann límir síðan saman í þar til gerða kúlu. |
|
|
|
|
Álar
(e. European Eel) Anguilla anguilla
Stærð ála segir til um kyn þeirra, hér sjáum við 40-50 cm langar hrygnur, hængar eru minni, 20-30 cm langir. Ólíkt öðrum íslenskum ferskvatnsfiskum þá gengur állinn til sjávar (bjartáll) til hrygningar. Hrygning á sér stað í Þanghafinu og seiðin berast með hafstraumum til Íslands (gleráll). Állinn elst síðan upp í ferksu vatni (guláll) og er algengur víða um land þó oftast fari lítið fyrir honum. |
|
|
|
|
|
| Eldisbleikja
(e. Arctic Charr) Salvelinus alpinus
Vinsældir bleikjunnar sem eldisfisks eru sífellt að aukast. Á Hólum eru stundaðar rannsóknir og kynbætur á bleikju þar sem hinn mikli breytileiki í útliti og lífsögu bleikjunnar er notaður til að velja úr æskilega eiginleika fyrir fiskeldi. Hér sjáum bleikju ættaða úr Ölvesvatni af Skaga. |
|
|
|
|
Sjóbleikja, algengt er að finna bleikjustofna hér við land sem ganga í sjó út í einhvern tíma (dagar/vikur) í fæðuleit. Bleikjur þessar hrygna þó alltaf í ferskvatni. Sjóbleikjur eru straumlínulaga og minna oft á síld bæði hvað form og lit varðar. | |
| Bleikjuhængur úr Vatnshlíðarvatni (Skagafirði), hængarnir hafa sterkari liti en hrygnur sem og annað atferli (árásargjarnari). Í þessu vatni eru tvær svipgerðir, það sem helst skilur þær að er; kynþroskaaldur, mism. hrygingarstöðvar og stærð. Á þessari mynd sjáum við stærri svipgerðina sem hrygnir í á sem rennur úr vatninu. |
|
|
| Gamall hængur úr Ölvesvatni. |
|
|
| Gjáarlonta frá Mývatni. þessi fiskur er kynþroska en aðeins 17 cm að stærð. Gjáarlontur lifa í hraungjám við Mývatn allt sitt líf, þær hafa engin samskipti við fisk í vatninu. |
|
|
.