Brautskráning | Háskólinn á Hólum

Brautskráning

Sl. föstudag fór fram brautskráning frá öllum deildum Háskólans á Hólum. Alls voru 40 nemendur brautskráðir.
Frá Hestafræðideild hlutu 12 manns lærdómstitilinn BS í reiðmennsku og reiðkennslu. Frá Fiskeldis- og fiskalíffræðideild útskrifuðust tveir með diplómapróf í fiskeldisfræði. 
Frá Ferðamáladeild voru veittar 14 diplómur í viðburðastjórnun, ein diplóma í ferðamálafræði, sjö BA-gráðu í ferðamálafræði og með BA-gráðu í stjórnun ferðaþjónustu og móttöku gesta útskrifuðust þrjár en þetta er í fyrsta skiptið sem útskrifað frá þeirri námsleið.
 
Sérstakar viðurkenningar fyrir námsárangur hlutu Liva Marie Hvarregaard Nielsen (BS í reiðmennsku og reiðkennslu). 
Ása Valdís Árnadóttir (BA í stjórnun ferðaþjónustu og móttöku gesta) Dóróthea Ármann og Hafdís Björk Jensdóttir (diplóma í viðburðastjórnun).
Susanne Sand formaður FT veitti reiðmennskuverðlaun FT og var það Finnbogi Bjarnason sem hlaut þau að þessu sinni. 
Morgunblaðshnakkurinn var afhentur og var það Liva Marie Hvarregaard sem hlaut hann.
Einsöngvari við athöfnina var Aðalbjörg Rósa Indriðadóttir og undirleikari var Jóhann Bjarnason. 
Athöfninni var stýrt af Önnu Vilborgu Einarsdóttur, lektor við Ferðamáladeild en að henni  lokinni var boðið upp á kaffiveitingar í umsjón Ferðaþjónustunnar á Hólum
 
Á Hólum lék sólin við gesti og þjóðfánar brautskráningarnema blöktu við hún.
Þú ert að nota: brimir.rhi.hi.is