Framundan	Nýjustu fréttir	Athugið
Fagmennska til framtíðar  - betur vinnur vit en strit Reiðkennslusýning Hólaskóla í samvinnu við Hestamannafélagið Fák og Ástund verður í Reiðhöllinni í Víðidal sunnudaginn 4. maí kl. 14. Forsala aðgöngumiða sem kosta 1000 kr í Ástund. Nánar.    Hin árlega SKEIFUKEPPNI 1. maí kl. 14. Kaffiveitingar í boði skólans á eftir. > 9. maí útskrift hestafræðinga og leiðbeinenda. > 20. maí kl.14 verður haldið málþing um tölt hér á Hólum á vegum Söguseturs íslenska hestsins. Dagskrá. > 31. maí útskrift C-reiðkennara og tamningamanna > Gamlir nemendur! Eigið þið myndir frá árum ykkar á Hólum? - nánar     Sitthvað > Stjörnukort af Hólum! > Tunglið séð frá Hólum.  Ljósmyndari: Broddi Reyr Hansen	Á aðalfundi KS var Skúla Skúlasyni og Hólaskóla veitt viðurkenning Menningarsjóðs KS "fyrir sérstakt framtak á sviði skólamála í Skagafirði." Þetta er mikil viðurkenning fyrir skólann og það starf sem hér hefur verið unnið og undirstrikar hin sterku tengsl sem tekist hefur að mynda við atvinnulífið og samfélagið í Skagafirði. Gripurinn er unninn af Jóni Snorra á stofu Jens gullsmiðs.  > Frá opnu húsi og málþingi um nýjungar í ferðaþjónustu 7. apríl  > Frá háskólahátíð Hólaskóla > Hólarannsóknin fær alstöð Hólarannsóknin fékk 1.600 þús. til að kaupa alstöð fyrir fornleifarannsóknir í Skagafirði  frá Rannís. Alstöð er eitt af mikilvægustu tækjum fornleifafræðinga. Um er að ræða mælingartæki til að staðsetja þ.e. hnitsetja og hæðarmæla gripi, jarðlög og svo framvegis.  > Alþjóðlegt réttindanámskeið FEIF fyrir kynbótadómara var haldið á Hólum Námskeiðið var haldið dagana 24.-28. mars.  Alls voru þátttakendur um 20 talsins og komu þeir frá 9 þjóðlöndum. Kennarar voru Víkingur Gunnarsson og John Siiger Hansen en prófdómari Ágúst Sigurðsson. Nánar um námskeiðið og myndir!  > Tröllaskagaverkefnið svonefnda gengur út á gerða göngukorta. Merkilegur áfangi er nú um það bil að nást: fyrsta kortið er nánast tilbúið. Stefnt er að því að gefa út 8-10 kort og ná þau yfir svæðið frá nyrsta hluta Tröllaskaga, við Siglufjörð, suður á Nýjabæjarfjall. Fjölmargir hafa komið að verkefninu á einn eða annan hátt, en Bjarni K. Kristjánsson stjórnar því, Hjalti Þórðarson hefur unnið að kortagerðinni og Bjarni Guðleifsson hefur tekið þátt í að skrifa leiðalýsingar.Lesa meira. > Jón Aðalsteinn Baldvinsson verður vígslubiskup í Hólabiskupsdæmi samkvæmt ákvörðun Sólveigar Pétursdóttur, kirkjumálaráðherra. Sjá nánar á vef Þjóðkirkjunnar.  > Vettvangsskóli fyrir fornleifafræðinema á Hólum > Kertavaka gegn stríði - var haldin víða um heim m.a. á hlaðinu á Hólum þann 16. mars. Broddi mundaði myndavélina að þessu tilefni. >Atkvæði féllu jafnt milli þeirra séra Jóns Aðalsteins Baldvinssonar og séra Kristjáns Vals Ingólfssonar í síðari umferð kosninga til vígslubiskups á Hólum. Sjá nánar frétt á vef Þjóðkirkjunnar. > Skyndihjálparnámskeiði lokið. Skyndihjálparnámskeið eru hluti af náminu á öllum brautum skólans, en í þetta sinn var boðið uppá námskeiðið fyrir starfsfólk eldhúss, ferðaþjónustu og ferðamálabrautar - auk áhugasamra úr öðrum  deildum. Skagafjarðardeild Rauða Kross Íslands sér um námskeiðin og Karl Lúðvíksson var leiðbeinandi. Þátttakendur voru mjög ánægðir með námskeiðið. Myndir! > Kristján Valur og Jón Aðalsteinn hlutu flest atkvæði í vígslubiskupskjöri.  Á kjörskrá voru 63. Niðurstöður eru þær að sr. Kristján Valur Ingólfsson hlaut 27 atkvæði, sr. Jón Aðalsteinn Baldvinsson 18, sr. Dalla Þórðardóttir 14 og sr. Guðni Þór Ólafsson 4 atkvæði. Nú verður kosið á milli þeirra Jóns Aðalsteins og Kristjáns Vals og sá er meirihluta hlýtur telst þá réttkjörinn vígslubiskup.  Sjá nánar frétt á vef Þjóðkirkjunnar. > Mannfjöldi á Hólum og uppruni fólks sem við skólann starfar. ATHUGIÐ BÆST HEFUR VIÐ! > Ráðurnautafundur er settur í dag. Starfsmaður okkar Elín Berglind Viktorsdóttir flytur þar fyrirlestur: Landnýting og ferðaþjónusta. > Námskeið:  Haldið var námskeið fyrir verðandi B-reiðkennara hér heima á Hólum í desember sl. Eyjólfur Ísólfsson yfirreiðkennari við Hólaskóla hafði umsjón með námskeiðinu. Aðrir kennarar voru Sigurbjörn Bárðarson og Reynir Aðalsteinsson. Benedikt Líndal var prófdómari. Myndir frá námskeiðinu. Áramótagleðin var mikil á Hólum og hefur sjaldan verið skotið upp fleiri flugeldum! > Nýja reiðhöllin var formlega tekin í notkun 7. desember. Nánar > Þingvallabókin tilnefnd til Íslensku bókmenntaverðlaunanna! Ritstjórar bókarinnar eru Pétur M. Jónasson og Páll Hersteinsson. Ýmsir vísindamenn eru höfundar efnis og má þar meðal annarra nefna Bjarna Kristófer Kristjánsson og Skúla Skúlason. Til hamingju! > Samningur undirritaður á milli Hólaskóla, Ferðaþjónustu bænda og Félags ferðaþjónustubænda. Nánar > Jólahlaðborðið tókst vel. Myndir. > Hólarannsóknin fær aftur hæsta styrkinn sem veittur er til fornleifarannsókna úr Kristnihátíðarsjóði. Sjá nánar á vef forsætisráðuneytisins. > Miklir listamenn komu saman síðasta þriðjudag nóvembermánaðar og skáru laufabrauð til að leggja á jólahlaðborðið.Nokkrar myndir.  > Nemendur frá MA heimsækja Hóla Árlega koma nemendur úr Menntaskólanum á Akureyri í námsferð til okkar. Þeir komu að þessu sinni 25. nóvember. Fleiri myndir frá heimsókninni. > Hólamannafélagið stóð fyrir hugstormunarfundi þar sem fjallað var um möguleg verkefni félagsins. Skólanefnd, undirbúningsnefnd að endurvakningu félagsins, stjórn félagsins og nokkrir fulltrúar skólans voru boðaðir á fundinn.  > Eyjólfur Ísólfsson knapi ársins. Sjá grein á vef Eiðfaxa.  > Seinni hluti námskeiðsins Betra bú afstaðinn.Nánar > Kynningardagur deilda tókst mjög vel. Nánar > Bændaglíman er komin á fullt Föngulegur hópur mætti á mánudaginn var. Tímarnir eru á mánudögum og fimmtudögum kl. 20.  > Vígslubiskupskjöri frestað fram yfir áramót. Nánar   Hólaskóli gerist  vottunaraðili fyrir Green Globe 21 NÁNAR > Á hinni árlegu ferðamálaráðstefnu sem haldin var í Stykkishólmi 17. október síðastliðinn talaði samgönguráðherra sérstaklega vel um ferðamálabraut Hólaskóla. Þar sagði hann m.a. Aukin menntun og færni starfsfólks í ferðaþjónustu er mikilvægur hornsteinn greinarinnar. Og hvað þau mál varðar er ég hvað stoltastur af samstarfi ráðuneytis míns og Hólaskóla um uppbyggingu fjarnáms við skólann. Þar er kominn flötur til að fólk sem starfar í ferðaþjónustu eða hyggur á störf á þeim vettvangi geti menntað sig án þess að gera svo róttækar breytingar á högum sínum sem hefðbundið nám krefst. Ræða samgönguráðherra  >Gamall lykill í pósti! nánar. > Kirkjugarður finnst í Keldudal í Hegranesi. Beinagrindurnar eru á Hólum! Nánar >Vel tókst til með grillveislu sem haldin var fyrir nemendur í gærkvöldi. Skúli og Helgi grilluðu af sinni allkunnu snilld gómsætt lambakjöt frá KS. Seinna um kvöldið fóru draugar staðarins af stað og er ekki laust við að sumir hafi hræðst... en allir kynntust gömlum sögum sem gerst hafa á Hólum. > Hólamannafélagið - félag hollvina Hólaskóla var endurvakið á afmælishátíðinni þann 7. september síðastliðinn. Nánar. > Unnið hefur verið að mótun umhverfisstefnu fyrir Hólastað og leit hún dagsins ljós 7. september. Elín Berglind Viktorsdóttir umhverfisfræðingur hefur stýrt þessu verki. Hún segir athugasemdir vel þegnar. Næstu skref í vinnunni felast í að gera framkvæmdaáætlun. Umhverfisstefnan á ekki að vera orðin tóm og vænst er þátttöku allra í því að ganga vel um náttúru og umhverfi Hjaltadals bæði í leik og starfi.  > Fjarnemandinn fljúgandi Lúðvík Þór Blöndal á Blöndósi er nemandi á ferðamálabraut og stundar námið í fjarkennslu. Hann mætti í staðbundna kennslu á Hólum í flugvél. Fleiri myndir! > Frá brautskráningu 7. september 2002 Frá hátíð í tilefni 120 ára afmælis Hólaskóla > Stund í kirkjunni 11. september 2002 Samgönguráðherra Færeyja og Íslands ásamt föruneyti komu að Hólum í tengslum við ráðstefnuna VestNorden. Haldin var helgistund í kirkjunni til að minnast atburðanna í Bandaríkjunum fyrir einu ári. > Eyjólfur Ísólfsson yfirreiðkennari Hólaskóla var valinn hestamaður ársins 2002 hjá UMSS.  > Hólahátíð tókst með ágætum Í guðsþjónustunni þjónaði fyrir altari herra Karl Sigurbjörnsson biskup Íslands ásamt fleiri prestum úr Hólastifti.Predikun flutti séra Gunnlaugur Garðarsson. Kirkjukór Glerárkirkju söng  undir stjórn Hjartar Steinbergssonar, organista. Margir prestar voru viðstaddir og einnig var athöfnin vel sótt af öðrum gestum.  Í hátíðarsamkomunni seinna um daginn hélt herra Sigurður Guðmundsson vígslubiskup ávarp. Þar var herra Bolli Gústavsson vígslubiskup kvaddur en hann lét af störfum um áramót. Af því tilefni ávarpaði hann samkomuna. Benedikt Ingólfsson söng nokkur lög við undirleik Jóns Bjarnasonar. Guðni Ágústsson landbúnaðarráðherra flutti síðan ræðu.  Eftir samkomuna tendraði Bolli Gústavsson fyrsta kertið á bænastjaka sem Farestveit fjölskyldan gaf til minningar um hjónin Steinvöru Benónýsdóttur og Sigurð Pálmason kaupmann á Hvammstanga, nemanda Hólaskóla 1903-1905. Hönnuður er Gunnsteinn Gíslason listamaður. Ljósberinn er staðsettur í turninum.  > Eyjólfur Ísólfsson yfirreiðkennari Hólaskóla og Rás frá Ragnheiðarstöðum kræktu sér í Íslandsmeistaratitil í tölti. Haukur Tryggvason (gamall Hólanemi) og Dáð frá Halldórsstöðum lentu í öðru sæti. Sjá nánar frétt á Eiðfaxavefnum. > Sögusetur íslenska hestsins undirritar samkomulag á Landsmóti. Sjá frétt á Eiðfaxavefnum > Kemur spánskt fyrir sjónir! > Sögusetur íslenska hestsins er komið með vefsíður. Skoðið! > Anna Bretaprinsessa, Ólafur Ragnar Grímsson forseti Íslands og fylgdarlið heimsóttu Hóla tvívegis. Þau fóru m.a. í reiðtúr og snæddu hádegisverð. Myndir. > Eyjólfur Ísólfsson yfirreiðkennari Hólaskóla sigrar töltkeppni á Landsmóti. > Þrenna frá Hólum hlýtur heiðursverðlaun á Landsmóti. > Tómas Ingi Olrich hóf formlega fornleifauppgröft á Hólum 1. júlí. Sjá síður um Hólarannsóknina. > Nokkrar myndir og dagskrá frá alþjóðlegri ráðstefnu um atferli hesta sem haldin var á Hólum 13.-15. júní. > Brautskráning tamningamanna sem eru nemendur hrossabrautar af 2. ári fór fram 1. júní. Nánar. > Hreinsunardagurinn tókst vel! Nánar > Nemendur ferðamálabrautar og nokkrir fylgifiskar ásamt kennurunum Bjarna Kristófer, Helga og Skúla fóru í vettvangsferð í tengslum við námskeiðið Náttúra Íslands. Hér eru heilmargar myndir sem Bjarni tók.  > 21 nemandi var útskrifaður af hrossabraut 11. maí. Þetta voru hestafræðingar og leiðbeinendur sem nú hafa lokið eins árs námi við skólann. Nánar. > Viljayfirlýsing um samstarf Sveitarfélagsins Skagafjarðar og Hólaskóla var undirrituð 11. maí.- Nánar > Hólaskóli býður upp á framhaldsnám í fiskeldi á háskólastigi næsta haust. Námið er ætlað starfandi fiskeldisfræðingum og þeim sem vilja bæta við sig þekkingu um fiskeldi, að loknu öðru háskólanámi. Sérstaklega verður fjallað um ýmsa þætti sem tengjast fiskeldi á Íslandi, nýjungum í greininni og þeim nýju möguleikum sem menn eygja í fiskeldi í framtíðinni. Námið felst í fyrirlestrum og verkefnavinnu ásamt mikilli áherslu á verklega kennslu. Til greina kemur að bjóða hluta af því í fjarnámi. Sjá námskeiðslýsingar.   Helstu eldri fréttir	Gæðaátak í hestatengdri ferðaþjónustu Þeir sem reka hestatengda ferðaþjónustu og hafa áhuga á að taka þátt í verkefninu og eða fræðast nánar um það eru vinsamlegast beðnir um að hafa samband sem fyrst.Um verkefnið.  > Leikfimi Íþróttatímar innan húss á þriðjudögum og fimmtudögum kl. 17.30.  >Umgengni um bíla Það eru vinsamleg tilmæli til þeirra sem nota bifreiðar skólans að ganga vel um þær,  taka allt úr þeim sem þeim ekki tilheyrir og skola af þeim áður en  þeim er skilað. Skilum bílunum eins og við viljum koma að þeim.  > Netfangalisti nemenda í staðbundnu námi á Hólum > Uppfærður netfangalisti starfsmanna Hólaskóla og samstarfsstofnana á Hólum. Ef þú vilt senda póst á alla er auðvelt að afrita romsuna hér. > Hólaskóli með aðgang að ordabok.is - upplýsingar um aðgang veitir Broddi.  > Heilbrigð sál í hraustum líkama   > Stubbaleikfimi kl. 17-18 á miðvikudögum fyrir börn sem eru fædd 1997-1999. Ásta Kristjana kennir.  > Leiðbeiningar til kennara sem nota fartölvurnar í kennslustofunum.  > Í stjórn Nemendafélags Hólaskóla 2002-3 sitja:  Helga Dís Gísladóttir ferðamálabraut Daníel Níelsson fiskeldisbraut Hafliði Þ. Brynjólfsson f.h. hestfræðinga og leiðb. Helle Laks f.h. tamningamanna Nemar á 2. ári fiskeldisbrautar eiga eftir að kjósa sinn fulltrúa. > MINNT ER Á:  Notkun á tölvuveri skólans er einungis heimil nemendum og starfsmönnum Hólaskóla og öðrum stofnunum sem starfa í húsnæði skólans. Börnum og gestum skal einungis heimill aðgangur í fylgd ábyrgðarmanns (starfsmanns). > Skoðið bænastjakann sem afhentur var á Hólahátíð. Gefendur eru Farestveit fjölskyldan og er gjöfin til minningar um hjónin Steinvöru Benónýsdóttur og Sigurð Pálmason kaupmann á Hvammstanga, nemanda Hólaskóla 1903-1905. Hönnuður er Gunnsteinn Gíslason listamaður. Stjakinn er staðsettur í turninum.  > Margir heimsækja vef Hólaskóla http://www.holar.is/status/ Það er ljóst hvert auglýsendur ættu að snúa sér!! > Bolir með afmælismerkinu til sölu hjá ferðaþjónustunni. > Rannsóknar- og þróunarverkefni á gæðum í hestatengdri ferðaþjónustu á Íslandi, á vegum Hestamiðstöðvar Íslands, SAF og Hólaskóla. Viltu vera með? > Skoðið sýningu í tilefni af 120 ára afmæli skólans. Hún er staðsett á ganginum við sundlaugina.  > Nemendur og starfsmenn skólans hafa fengið aðgang að WorldFeng. Nauðsynlegt er að nota lykilorð og má fá upplýsingar um það hjá Víkingi. Lykilorðinu er breytt reglulega.  > Ákveðið hefur verið að starfsfólk á Hólum fái ókeypis í sund og gufu! Áríðandi er að fólk skrái sig hjá sundlaugarverði í hvert sinn sem farið er í sund. Sjáumst á sundi. Skúli >Frá UM-hópnum > Sundlaug, bændaglíma og  almenn hreyfing >Árangurstjórnunar- samningur >Gestir og gestgjafar: skýrsla til sölu

Framundan
 

Fornleifarannsóknir sumarið 2002

          Ráðstefna í Norræna húsinu laugardaginn 18. janúar 2003
                á vegum Félags íslenskra fornleifafræðinga

11:00 ? 11:30 Skálholt, Gavin Lucas
11:30 ? 12:00 Skriðuklaustur, Steinunn Kristjánsdóttir
12:00 ? 12:30 Gásar, Howell Roberts
12:30 ? 13:00 Hlé
13:00 ? 14:00 Hofstaðir og Sveigakot, Orri Vésteinsson, Gavin Lucas
14:00 ? 14:30 Kirkjubæjarklaustur, Kristján Mímisson
14:30 ? 15:00 Þingvellir, Adolf Friðriksson
15:00 ? 15:15 Uppmæling rústa, Garðar Guðmundsson
15:15 ? 15:45 Kaffi
15:45 ? 16:15 Hólar í Hjaltadal, Ragnheiður Traustadóttir
16:15 ? 16:30 Fornleifagrunnur Evrópu, Oscar Aldred
16:30 ? 17:00 Reykholtskirkja, Orri Vésteinsson
17:00 ? 17:30 Skálavík, Ragnar Edvardsson
17:30 ? 18:00 Baffins Island, Guðmundur Ólafsson

Það hefur tæpast farið fram hjá nokkrum manni að nú í sumar hefur óvenjumikið verið um fornleifauppgrefti um allt land. Er það helst nýstofnuðum Kristnihátíðarsjóði að þakka, en sjóðurinn var stofnaður til að minnast þess að 1000 ár eru liðin frá því að kristinn siður var lögtekinn á Íslandi. Hlutverk sjóðsins er tvíþætt; að efla fræðslu og rannsóknir á menningar- og trúararfi þjóðarinnar og að styrkja fornleifarannsóknir.

Við fyrstu úthlutun úr Kristnihátíðarsjóði var 96 milljónum úthlutað til ýmissa verkefna, þar af 48 milljónum til fornleifarannsókna víðs vegar
um landið. Rannsóknunum er ætlað að varpa ljósi á okkar merkustu sögustaði og efla samstarf þeirra sem að fornleifarannsóknum standa.

Munar auðvitað mestu um Kristnihátíðarsjóð, en ýmsir aðrir aðilar hafa veitt verkefnum á sviði fornleifafræði tilstyrk á liðnu ári, s.s.  sveitarfélög, byggðasöfn og Rannís.

Á ráðstefnu Félags íslenskra fornleifafræðinga verður fjallað um allar helstu rannsóknirnar í stuttu máli. Fjölmiðlum, sem áhuga hafa á efninu,
er bent á að hafa samband við Garðar Guðmundsson (8646789) eða Ragnheiði Traustadóttur (6998256).
 
 

Hin nýja reiðkennsluaðstaða formlega opnuð

Hólaskóli tekur í notkun nýja reiðkennsluaðstöðu laugardaginn 7. desember og hefst athöfnin kl. 14.  Meðal annars mun Guðni Ágústsson landbúnaðarráðherra flytja ávarp, opna aðstöðuna, og  kennarar og nemendur skólans sjá um reiðsýningu.  Dagskráin endar með kaffiveitingum heima í skólahúsinu og eru allir hjartanlega velkomnir.

Hólaskóla hefur sárlega skort aðstöðu af þessu tagi um alllangt skeið enda hefur  umfang á starfsemi hrossabrautar skólans vaxið mjög á síðustu árum.  Námið hefur orðið miklu sérhæfðara og vægi verklegs náms í reiðmennsku, tamningum og reiðkennslu stóraukist. Skólinn býður nú upp á 3 ára nám og er hluti þess á háskólastigi.  Nemendafjöldinn hefur að sama skapi aukist og eru nemendur 46 sem stunda nám á brautinni í vetur.  Með tilkomu hinnar nýju aðstöðu gerbreytist aðstaða skólans til að sinna þeirri miklu þörf sem þegar er til staðar í starfseminni og býður um leið upp á mikla möguleika til enn frekari umsvifa og þróunar námsins, námskeiðahalds og rannsókna. 

Hin nýja aðstaða er  sérhannað 1500 fermetra reiðkennsluhús. Reiðsalurinn er 1200 fermetrar og auk þess áhorfendasvæði sem ætlað er fyrir liðlega 200 manns.  Framkvæmdir hófust snemma sumars og er fyrsta áfanga þeirra nú lokið og húsið tilbúið undir kennslu.    Eigandi hússins er Þrá efh. sem er fyrirtæki í eigu Kaupfélags Skagfirðinga og Friðriks Jónssonar ehf. og mun notkun Hólaskóla á húsinu byggja á sérstökum leigusamningi, en miðað er við að skólinn eignist húsið á næstu misserum.  Byggingarmeistari var Ólafur Friðriksson, um jarðvinnslu sá Króksverk ehf., RKS um raflagnir, Gísli Sigurðsson um hönnun rafkerfis, Jón Geirmundsson um vatnslagnir, Stoð ehf. um hönnun og eftirlit og arkitekt hússins er Björn Kristleifsson.
 

ÁTTU MYNDIR FRÁ ÁRUNUM ÞÍNUM Á HÓLUM ?

Bændaskólinn á Hólum hóf starfsemi sína árið 1882 og verður 120 ára afmælisins minnst með ýmsum hætti á afmælisárinu, sem hefst þann 11. maí n.k. Nánari umfjöllunar um afmælið er að vænta í næsta Bændablaði.  Skólinn óskar liðveislu lesenda við söfnun á myndefni úr sögu skólans. Tilefnið er annars vegar sýning á munum og myndum úr skólastarfinu í tilefni afmælisins í ár og hins vegar undirbúningur að því að gera sögu skólans nánari skil á 125 ára afmælinu árið 2007. Skólinn á töluvert af myndum af skólastaðnum, auk skólaspjaldanna sígildu en minna er til af myndum úr skólalífinu.

Lumir þú á einhverjum myndum sem kunna að eiga erindi á sýningu um skólastarfið í gegnum tíðina þætti okkur fengur í að fá þær sendar. Gott væri að fá lýsingu á hvað sést á hverri mynd og eins nöfn fólks er þar kann að vera. Líklegt má telja að minna sé um mjög gamlar myndir og væri mikill fengur að fá sem flestar af þeim. Við munum að sjálfsögðu gæta þeirra mynda sem berast og senda eigendum þær tilbaka eigi síðar en  í lok afmælisársins. Við stefnum á að opna sýninguna 11. maí og þyrftum því að fá myndir sem fyrst. Vinsamlega sendið þær til Guðrúnar Helgadóttur, Hólaskóla, Hólum í Hjaltadal, 551 Skagafjörður. Hún veitir einnig frekari upplýsingar, sími skólans er 455 6300. Við vonum að Hólanemar fyrr og síðar taki vel í þetta erindi okkar og hlökkum til að heyra frá þeim.

Nýjustu fréttir

Samningur á milli Hólaskóla, Ferðaþjónustu bænda og Félagas ferðaþjónustubænda undirritaður

Það er mat aðila að samstarf Ferðaþjónustu bænda hf, Félags ferðaþjónustubænda og Ferðamáladeildar Hólaskóla sé þeim mikilvægt og líklegt til að skila miklum og vaxandi árangri í uppbyggingu ferðaþjónustu í dreifbýli á Íslandi, sem er liður í hinu víðtæka hlutverki landbúnaðarins og byggðaþróun.

Hingað til hefur samstarfið verið á grundvelli einstakra verkefna, en aðilar eru sammála um að treysta grundvöll þess með því að stofna til 
reynslu árin 2002-2005 starf gæðastjóra ferðaþjónustubænda með gæðastjórnun, endurmenntun og leiðbeiningaþjónustu sem meginviðfangsefni. Gæðastjóri stýri verkefnum innan ramma samningsins, er tengiliður aðila samningsins og mótar tillögur um framhald samstarfsins auk kennslu á sínu fagsviði við ferðamálabraut Hólaskóla.

Myndin var tekin við undirritunina sem fram fór á Jólahlaðborði Hólaskóla. Frá vinstri: Skúli Skúlason skólameistari, Marteinn Njálsson formaður Félags ferðaþjónustubænda og Sævar Skaptason framkvæmdastjóri Ferðaþjónustu bænda. 
 

Námskeiðið Betra bú

Í apríl í vor var farið af stað með námskeiðið  Betra bú, sem felur í sér gerð landnýtingaráætlana á bújörðum.  Þetta námskeið er samstarfsverkefni Bændasamtaka Íslands, Landbúnaðarháskólans á Hvanneyri, Landgræðslu ríkisins, Leiðbeiningarmiðstöðvar Skagfirðinga og Hólaskóla. Fyrstu námskeiðin voru haldin í V-Skaftafellssýslu og í Skagafirði.

Námskeiðunum er skipt í þrjá hluta. Fyrsti hlutinn er eins dags námskeið þar sem m.a. er farið yfir landlæsi, notkun loftmynda og vinnuferli við 
gerð landnýtingaráætlunar. Þátttakendur vinna því næst að fyrsta hluta áætlanagerðarinnar heima, með aðstoð leiðbeinanda. Þriðji hlutinn felur í sér annan námskeiðsdag, þar sem farið er í beitarfræði, umhverfismál og þátttakendur ljúka við gerð landnýtingaráætlunarinnar.

Miðvikudaginn 6. nóvember  var seinni námskeiðsdagurinn haldinn á Hólum. Þátttakendur á því námskeiði hafa því farið í gengum vinnuferli Betra bús og búið til áætlanir sem þeir ætla að fara eftir og nýta sér til framtíðar. Þátttakendur voru almennt ánægðir með námskeiðið og vilja mæla með þeim fyrir fleiri landeigendur.

HÞ

Lykillinn

Það kemur oft fyrir að fólk í gistingu sendi til skólans lykla sem það hefur gleymt að skila áður en það hélt héðan. Annars konar lykill og talsvert merkilegri barst skólanum fyrir stuttu. Honum fylgdu m.a. þessi orð: 

Ég var í skólaferðalagi vorið 1969 þá fjórtán ára. Komið var við á Hólum og sagt frá staðháttum. Við fórum nokkrir krakkar að gamla bænum (Nýjabæ) og mig minnir að einhverjar lagfæringar stæðu þá yfir því mér fannst vera nokkuð ruslalegt inn að líta. Þegar við komum inn fyrir aðaldyrnar voru óþyljaðir veggir svo bæði sá í torf og grjót. Af einhverri ókunnri ástæðu þreifaði ég uppá syllu eða þverband sem var á vinstri hönd þegar inn var komið og varð þá lykillinn fyrir hendi minni. Í stráksskap mínum stakk ég lyklinum á mig. Ég veit ekki hvort ég var að ná mér í minjagrip eða hvað mér gekk til en gerði mér þó grein fyrir því að engin jarðnesk verðmæti gætu verið í þessum lykli fólgin. 

Frá Hólum var svo haldið heim á leið og ég með lykilinn sem ég sagði engum frá. Ég fann það strax eftir að heim kom að ég hafði gert rangt  og ætlaði mér að skila aftur lyklinum góða en árin liðu eitt af öðru og hjá mér beið lykillinn. Hann var mjög ryðgaður þegar ég tók hann sem hann er nú og  ég enga tilraun gerði til þess að fægja hann eða laga til á nokkurn hátt, ég bara geymdi hann. Þegar ég sendi nú lykilinn tilbaka heim að Hólum reyni ég að friða samvisku mína með því að kannski var mér bara ætlað það hlutverk að varðveita lykilinn fyrir endanlegri glötun.

Hólalykilinn góða sem mér hefur nú fylgt í 33 ár kveð ég nú og vona að ég sjái aftur í góðri varðveislu, þar sem hann á með réttu heima. 

H.J. 

Ef einhver getur veitt frekari upplýsingar um lykilinn væru þær vel þegnar. Okkur á Hólum þótti vænt um þessa sendingu. 

Beinagrindurnar á verkstæðinu
 
 

Nokkrar heillegar hauskúpur sem fundust. Bein ungra barna.  Rifbein, spjaldhryggur, herðablað og fleira.

Þegar grafa átti fyrir húsi í Keldudal í ágústlok brá mönnum í brún: upp komu mannabein. Haft var samband við minjavörð Norðurlands vestra, Þór Hjaltalín og tilkynnt um fundinn. Kom fljótlega í ljós að þarna var heill kirkjugarður. Ákveðið var að fara út í björgunaruppgröft og grafa á því svæði þar sem húsið á að rísa. Fornleifavernd ríkisins fjármagnar þann gröft. Um kirkju eða kirkjugarð á þessum slóðum er ekki getið í heimildum svo vitað sé. Sérstök rannsókn verður þó gerð á því í framhaldi af þessum fundi. Á svæðinu sem var opnað reyndust vera 32 grafir þar af 8 grafir ungra barna (innan við 2ja ára). Allar snúa grafirnar í austur-vestur. Álitið er að þetta sé austurhluti kirkjugarðs og í hinum hlutanum kunni að vera annað eins af gröfum. Þarna fannst einnig tóft sem hugsanlega er kirkjutóft. Rannsókn á tóftinni mun bíða enda er hún nokkru utan við hinn nýja grunn. Allar grafirnar voru hins vegar teknar upp sem voru á svæðinu sem opnað var. Beinin voru flutt til Hóla og verið er að hreinsa þau og þurrka. Einnig fundust nokkrar kistuleifar og kistunaglar. Með hjálp öskulaga mátti auðveldlega sjá að a.m.k. ein gröfin sé síðan skömmu fyrir 1104 er Hekla gaus. Ekkert bendir til að þessi tiltekna gröf sé mikið eldri eða yngri en hinar. Nákvæmari niðurstöður munu fást er beitt verður C14 aðferðinni við aldursgreiningu beinanna. Það er áhugavert að skoða beinin og sjá t.d. fallegar og óskemmdar tennur, hversu sumir hafa verið stórir, hvað hauskúpum svipar saman, þannig að auðvelt er að álykta að um skyldleika sé að ræða.  Þau sem unnu að uppgreftrinum í Keldudal voru sérfræðingarnir Ragnheiður Traustadóttir, Þór Hjaltalín, Katrín Gunnarsdóttir og Sigurður Bergsteinsson. Guðrún Lárusdóttir og Þórarinn Leifsson sem búa í Keldudal unnu með fornleifafræðingunum. Þetta er mjög merkur fundur og eru hugmyndir uppi um að fara í frekari rannsóknir á staðnum í samstarfi Fornleifaverndar, Byggðasafnsins og Hólarannsóknar.

 
 
 

Spánska skrefið

Ein meginforsenda góðrar kennslu í reiðmennsku við Hólaskóla er sú að reiðkennararnir séu sífellt að prófa sig áfram á sviði reiðmennsku. 

Eyjólfur Ísólfsson hefur verið óþreytandi í áratugi við að kynna sér og prófa tamninga- og þjálfunaraðferðir og margt af því sem hann áður var litinn hornauga fyrir er talið sjálfsagt í dag.

Það nýjasta sem Eyjólfur hefur verið að fást við er að kenna hryssunni Rás frá Ragnheiðarstöðum hið svokallaða „spánska skref“ en sú æfing felst í því að knapinn fær hrossið til að sveifla framfótum upp og fram á feti. Fótaburðurinn er mjög ýktur og er æfingin fyrst og fremst sýningaratriði en er mjög safnandi og eykur léttleika og einbeitingu. 

Þrenna frá Hólum hlýtur heiðursverðlaun

Þrenna frá Hólum, dóttir Þráar frá Hólum, lék sama leik og móðir hennar gerði á Landsmóti árið 2000 og varð efst heiðursverðlaunahryssna á Landsmótinu 2002. Í dómsorðum segir: 

Afkvæmi Þrennu eru stór. Höfuðið er gróft en frambyggingin er fádæma glæsileg. Bakið er mjúkt og vöðvafyllt, lendin djúp og öflug. Þau eru lofthá, sívöl og sérlega hlutfallagóð. Fætur eru í meðallagi en hófar frábærir. Prúðleiki á fax og tagl er afar slakur. Afkvæmin eru flest alhliða, skrefmikil og lyfta vel. Lundin er vakandi og næm og viljinn léttur.

Þrenna gefur stórglæsileg gæðingshross, hún hlýtur heiðursverðlaun fyrir afkvæmi og fyrsta sætið.

Eyjólfur Ísólfsson yfirreiðkennari Hólaskóla sigrar töltkeppni á Landsmóti
 

Umsögn ritstjóra Eiðfaxa: Eyjólfur Ísólfsson sýndi í forkeppni í tölti hverju nákvæm og fagleg vinnubrögð yfir lengri tíma skila í þjálfun hrossa. Sýning hans á hryssunni Rás frá Ragnheiðarstöðum var einstaklega falleg, það blasti handbragð meistarans við. Í fyrsta sinn í minni þess er þetta ritar klöppuðu áhorfendur trekk í trekk á meðan hæga töltið var riðið. Það var sannarlega hægt tölt með dillandi mýkt; viljugt hross, frábært samspil.

Konungleg heimsókn:
Anna Bretaprinsessa heimsækir Hóla

Anna Bretaprinsessa á hestbaki frammi í Hjaltadal. Hún ríður hestinum Töfra. Hennar helsti aðstoðarmaður var Eyjólfur Ísólfsson yfirreiðkennari Hólaskóla sem er einnig á myndinni. Eyjólfur er hér á Þotu frá Hólum. 

Margt merkismanna fór í reiðtúrinn með Önnu prinsessu. Hér má sjá forseta Íslands, Ólaf Ragnar Grímsson og heitmey hans Dorrit Moussaieff. 

Fleiri myndir frá heimsókninni eru væntanlegar. 
 

Brautskráning tamningamanna og stúdents

Nemendur af öðru ári á hrossabraut voru brautskráðir frá Hólaskóla laugardaginn 1. júní. 12 nemendur luku þessum áfanga. Þetta er í fyrsta sinn sem nemendur útskrifast sem tamningamenn eftir námskránni sem samþykkt var 2001. Á myndinni eru frá vinstri: Eyjólfur Ísólfsson  yfirreiðkennari, Ólafur Magnússon, Sveinn Ingi Kjartanssson, Elín Magnúsdóttir, Ragnheiður Þorvaldsdóttir, Heiðdís Arna Ingvarsdóttir, Heimir Gunnarsson, Bertha Elise Kristiansen, Mie Hedebo Knudsen, Anne Soelberg, Skúli Skúlason skólameistari og Víkingur Gunnarsson deildarstjóri hrossabrautar. Á myndina vantar: Hinrik Þór Sigurðsson, Reyni Atla Jónsson og Ævar Örn Guðjónsson. Heimir Gunnarsson fékk viðurkenningar frá Hólaskóla og Félagi tamningamanna fyrir bestan námsárangur. 

Brynhildur Ingibjörg Oddsdóttir nemandi á hrossabraut útskrifaðist sem stúdent frá Hólaskóla þennan dag.
 
 

Hreinsunardagurinn tókst vel
Röskt fólk kembdi Hólastað af rusli síðdegis þann 29. maí. Blíðviðri var og nutu allir sín í ruslaleitinni. Sumir leyfðu listrænum hæfileikum að njóta sín. Eftir eins og hálfstíma barning við ruslið var kveikt í kolunum og fólk lagði á grillið góðgæti úr ísskápnum heima. Ekki fór hjá því að sumar inniverurnar tækju lit. 

Elín Berglind ruslatæknifræðingur við ruslalistaverkin! - Óli fylgist með. 

Fjölbreytt fæða í svanga gogga!

Brautskráning hestafræðinga og leiðbeinenda

21 nemandi var útskrifaður af hrossabraut 11. maí. 
Þetta voru hestafræðingar og leiðbeinendur sem nú hafa lokið eins árs námi við skólann. 
Þau sem útskrifuðust voru:

Agnar Snorri Stefánsson
Aníta Margrét Aradóttir
Auður Ástvaldsdóttir
Bergþóra Sigtryggsdóttir
Brynjar Atli Kristinsson
Ellen Celine Holstad
Friðrik Már Sigurðsson
Helle Laks
Hildur Hartmannsdóttir
Ida Haugen
Jónína Á Vignisdóttir
Kristján Ljótsson
Mille Kyhl
Nadia Agertoug Nielsen
Nadine Semmler
Rahel Emmenegger
Rikke Scmöllhammer Wolff
Sigríður Þorsteinsdóttir
Sunna Birna Helgadóttir
Tanja Maria Hansen
Þórdís Sigurðardóttir

Fern verðlaun voru veitt. Hitaveita Hjaltadals veitti Friðrik Má Sigurðssyni viðurkenningu  fyrir hæstu einkunn í áfanganum Kennslufræði og reiðkennsla, Agnar Snorri Stefánsson fékk viðurkenningu fyrir góðan árangur í áföngum í reiðmennsku frá Hrossaræktarsambandi Skagafjarðar. Friðrik Már Sigurðsson og Rahel Emmenegger voru með hæstu aðaleinkunn og fékk Friðrik viðurkenningu frá Bændasamtökum Íslands og Rahel  frá Hólaskóla. 

Við brautskráninguna héldu Guðni Ágústsson landbúnaðarráðherra, Ingimar Ingimarsson formaður Hrossaræktarsambands Skagafjarðar, Ari Teitsson formaður Bændasamtaka Íslands, Ólafur Hafsteinn Einarsson formaður Félags tamningamanna, Helle Laks fulltrúi nemenda auk Skúla Skúlasonar skólameistarara ræður og ávörp. Víkingur Gunnarsson brautskráði nemendur. Jóhann Már Jóhannsson söng nokkur lög við undirleik Rögnvaldar Vilbergssonar.

Að athöfn lokinni var nýútskrifuðum og gestum boðið til kaffisamsætis. Einnig var opnuð sýning í tilefni af 120 ára afmæli skólans og viljayfirlýsing á milli Hólaskóla og Sveitarfélagsins Skagafjarðar var undirrituð. 
 
 

Viljayfirlýsing um samstarf Sveitarfélagsins Skagafjarðar og Hólaskóla

Fulltrúar Sveitarfélagsins og Hólaskóla undirrita viljayfirlýsinguna. Standandi eru Elín Líndal formaður skólanefndar Hólaskóla og Guðni Ágústsson landbúnaðarráðherra. Við borðið sitja Skúli Skúlason skólameistari, Snorri Styrkársson formaður Byggðaráðs og Stefán Guðmundsson sveitarstjórnarmaður fulltrúi Herdísar Sæmundardóttur forseta sveitarstjórnar. 

Sveitarfélagið Skagafjörður og Hólaskóli sameinast um að efla Hóla í Hjaltadal annars vegar sem þekkingarsetur og miðstöð háskólamenntunnar í héraðinu og hins vegar sem einn af byggðakjörnum svæðisins. Þetta verði gert með eftirfarandi hætti:

1) Efla enn frekar tengsl starfseminnar á Hólastað við stofnanir sveitarfélagsins og fyrirtæki á svæðinu. Unnið verði sameiginlega að því að beina verkefnum er varða menntun, rannsóknir og þróunarstörf til Hóla, eftir því sem við á, sem og að stuðla að fjármögnun slíkra verkefna. 

2) Stofna sameiginlegan vinnuhóp sem geri tillögur um fyrirkomulag þjónustu og framkvæmda er lúta að rekstri byggðarinnar að Hólum. Markmið þessa er að Hólaskóli og Sveitafélagið Skagafjörður vinni saman að frekari þróun skipulags fyrir staðinn, húsnæðismálum, gatnagerð, veitumálum og allri almennri þjónustu við íbúa og starfsemi staðarins.

3) Árið 2002 verði sérstök áhersla lögð á þróun umhverfismála á Hólum í samræmi við Staðardagskrá 21 og stefnu Sveitarfélagsins Skagafjarðar í þessum málaflokki. Lagt er til að sveitarfélagið og Hólaskóli sameini krafta sína við eflingu umhverfismála í Skagafirði.

Athugið

Mötuneytið í sumar
Helsta breytingin er sú að ákveðið hefur verið að fella niður hefðbundið síðdegiskaffi á virkum dögum.  Eftir sem áður verðum við með kaffi á könnunni og hægt verður að kaupa sérstaklega ýmsar kökur, samlokur ofl. Einnig verður kaffi á kaffistofu eins og venjulega. 

Á kvöldin verður mötuneytið sem slíkt aðeins starfrækt fyrir þá sem eru í föstu fæði en aðrir starfsmenn geta þó að sjálfsögðu keypt mat og munu þeir fá 25% afslátt af uppsettu verði hverju sinni. Hægt er að láta skrifa það hjá sér og taka af launum eins og aðrar máltíðir.

Opnunartími, frá 1. júní til 31. ágúst nk. verður:
 

Morgunverður	8-10
Hádegisverður	12-14
Kaffi	15-16.30
Kvöldverður	18.30-20.30

Grillið verður svo opið alla daga frá 11 - 21.
 
 
 
 

Gæðaátak í hestatengdri ferðaþjónustu

Síðastliðið sumar hófst rannsóknar- og þróunarverkefni á gæðum í hestatengdri ferðaþjónustu á Íslandi, á vegum Hestamiðstöðvar Íslands, SAF og Hólaskóla. 

Markmiðið er að rannsaka væntingar og upplifun viðskiptavina í hestatengdri ferðaþjónustu og vinna svo úr þeim upplýsingum fræðsluefni fyrir rekstraraðila í slíkri þjónustu. Margt fróðlegt hefur þegar komið í ljós við vinnslu þessa verkefnis, og voru niðurstöður úr viðtölum við rekstraraðila kynntar á ráðstefnunni Hálft er líf á hestbaki í febrúar s.l. hér á Hólum.

Gerðir voru tvennskonar spurningarlistar til að leggja fyrir gesti, annars vegar fyrir þá sem fóru í stutta hestaleigu og hinsvegar fyrir fólk í hestaferð.  Ferðafólk tók vel í að svara spurningarlistunum. Listarnir eru á 5 tungumálum (íslensku, ensku, þýsku, frönsku, og norsku), eru mjög vel upp settir og auðveldir í notkun.  Því fleiri svör sem berast því marktækari eru svona kannanir, því er mjög æskilegt að fá enn fleiri þátttakendur í þetta verkefni.

Nú hefur verið ákveðið að bjóða öllum þeim sem taka þátt í verkefninu á námskeið í haust þar sem farið verður yfir öryggis- og rekstrarþætti í hestaferðaþjónustu auk þess sem þátttakendur fá handbók með þeim upplýsingum sem nauðsynlegt er að hafa við höndina í slíkri ferðaþjónustu.

Þeir sem eru að reka hestatengda ferðaþjónustu og hafa áhuga á að taka þátt í þessu verkefni eru vinsamlega beðnir um að hafa samband sem fyrst. Verkefnisstjóri er Guðrún Helgadóttir hjá Hólaskóla og starfsmaður verkefnisins í sumar verður Margrét Björk, nemandi á ferðamálabraut Hólaskóla. Sími Margrétar er 863 5160 en netfangið er: hestamaggy@torg.is
 
 

Íþróttir

> Sundlaugin er opin þriðjudaga og fimmtudaga kl. 18-21 og laugardaga kl. 13-16. 
> Bændaglíman kl. 20.30 mánudaga og fimmtudaga
> HREYFING (hlaup, ganga eða hjólreiðar og teygjur á eftir) þriðjudaga og fimmtudaga kl. 17.30 og laugardaga kl. 11
 

Hjá Hólaskóla er til sölu skýrslan Gestir og gestgjafar: viðhorfskönnun meðal gesta og ferðaþjónustubænda á Norðurlandi vestra.

Nokkrar eldri fréttir
 
 

> Frá skeifukeppninni 1. maí 2002 > Námskeiðið Betra bú > Auður í krafti kvenna: Dæturnar með í vinnuna - nánar > Samstarfssamningur LBH, Hólaskóla og Manitobaháskóla var undirritaður 19. mars - nánar > Öskudagur í Hólaskóla!  > Erindi Víkings Gunnarssonar á ráðstefnunni Hálft er líf á hestbaki sem haldin var á Hólum 8. febrúar.  > Skýrsla nefndar um ferðaþjónustu bænda komin út - nánar. > Guðrún Helgadóttir heimsækir Mustiala bændaskólann í Finnlandi - nánar. > Styrktarsjóður stofnaður fyrir rannsóknir háskólastúdenta - nánar >Eyjólfur Ísólfsson ásamt Hólaskólanemum með sýningu í Reiðhöllinni Svaðastöðum 16.janúar. >Spádómur völvu í blaðinu Séð og heyrt! > Ritun sögu biskupsstólanna og fornleifarannsóknir á Hólum fá hæstu styrki Kristnihátíðarsjóðs Nánar > Samningur samgönguráðuneytis við Hólaskóla um eflingu fjarnáms á ferðamálabraut. > Frá aðalfundi Ferðamálasamtaka Norðurlands vestra.  > Fjöldi gesta á Laufskálarétt > Hauststarfið á hrossabraut > Undirritun samnings á milli Hólaskóla og Háskóla Íslands > Brautskráning af ferðamálabraut 31. ágúst 2001 > Auðunarstofa rís > Inntaka nemenda á hrossabraut -fréttatilkynning > 9. júní: - Opnun kynbótastöðvar fyrir bleikju - Þjálfarar og reiðkennarar útskrifaðir > Samningur gerður við Þjóðminjasafn um Nýjabæ > Brautskráning hestafræðinga og leiðbeinenda 12. maí 2001 > Skeifudagurinn 1. maí 2001 > Hugmyndin um Ísland - myndir > Rannsókna- og háskólanet Íslands > Frá dorgveiðikeppninni í Vatnshlíðarvatni 17. mars 2001 >Hestadagar Hólaskóla og Grunnskólans að Hólum 12.-16. mars 2001 >Málþing um reiðvegi var haldið að Hólum 7. nóvember 2000. > Kaþólskur tími að Hólum - dagskrá í tilefni af 450 ára dánardægri Jóns Arasonar - nóvember 2000.  > Menningarminjadagur - 1. október 2000 > Vísnabók Guðbrands - haldið var upp á útkomu bókarinnar 18. - 19. nóvember 2000. > Fjárfestingamöguleikar í fiskeldi 1. september 2000 > Byggðastofnun og Hólaskóli

Rannsókna- og háskólanet Íslands (RHnet) var stofnað í janúar sl. Tilgangurinn er að tengja íslenska háskóla og rannsóknastofnanir saman um háhraða tölvunet og annast þjónustu á sviði tölvusamskipta, hvort sem er innanlands eða á alþjóðavettvangi. Meðal stofnenda er Hólaskóli. RHnet og Lína.Net hf gerðu með sér samstarfssamning um uppbyggingu ljósleiðarakerfis fyrir stofnanirnar á Íslandi. Um er að ræða tímamótasamning hjá Rannsókna- og háskólaneti Íslands, en innan nokkurra vikna verða flestar háskóla- og rannsóknastofnanir tengdar með ljósleiðara. Nánari upplýsingar um RHnet má finna á vefsíðum þess. 
 

Úrslit í Skeifukeppninni 1. maí 2002
 

4-gangur:
Forkeppni 
Aðaleikunn 
 Aníta 8,65 
 Agnar 8,35
 Nadía 7,85 
 Sigríður 7,75 
 Rikke 7,55
 Mille 7,55 
 Ida 7,55 
 Helle 7,45
 Þórdís 7,35 
 Friðrik 7,15 

 Úrslit: 
1 Aníta M Aradóttir 
2 Agnar Snorri Stefánsson 
3 Nadía Nielsen 
4 Þórdís Sigurðardóttir (kom upp úr B-úrslitum) 
5 Rikke Wolff 
6 Sigríður Þorsteinssdóttir 
7 Ida Haugen 
7 Mille Kyhl 
9 Helle Laks 
10 Friðrik Már Sigurðsson 

Myndin er fengin að láni á Eiðfaxavefnum. 
 

EIÐFAXABIKARINN,
-FYRIR BEST HIRTA HESTINN, 
-KOSNING NEMENDA OG STARFSMANNA
Sunna Birna Helgadóttir 
-Fulltrúi Eiðfaxa, Anna Guðrún Grétarsdóttir, afhenti gripinn 

FT-ÁSETUVERÐLAUN:
-SÁ NEMANDI SEM HLÝTUR HÆSTA EINKUNN FYRIR ÁSETU OG STJÓRNUN Í
GANGTEGUNDAPRÓFINU
Aníta Margrét Aradóttir með 8.70
-Fulltrúi FT, Elvar Einarsson, afhenti gripinn

MORGUNBLAÐSSKEIFAN:
SÁ NEMANDI SEM HLOTIÐ HEFUR HÆSTU EINKUNN FYRIR REIÐMENNSKU I-III Á
SKÓLAÁRINU. Í ÞVÍ ERU 7 VERKLEG OG 2 BÓKLEG PRÓF.
1 Agnar Snorri Stefánsson 8,66
2 Auður  Ástvaldsdóttir 8,45
3 Ida Haugen 8,34
 
 

Námskeiðið Betra Bú

Fyrri hluti tveggja daga námskeiðs sem ber nafnið Betra Bú var haldið á Hólum 16. apríl. Seinni hlutinn verður næsta haust. Þetta námskeið er samstarfsverkefni Bændasamtaka Íslands, Landbúnaðarháskólans á Hvanneyri, Landgræðslu ríkisins, Leiðbeiningarmiðstöðvar Skagfirðinga og Hólaskóla. Fyrirlesarar voru Ragnhildur Sigurðardóttir, Guðrún Schmidt, og Bjarni Maronsson.

Námskeiðið felur í sér að landnotendum er leiðbeint við að gera sjálfir landnýtingaráætlun fyrir jarðir sínar, eftir eigin hugmyndum og markmiðum. Unnið er eftir vinnuferli sem Landgræðsla ríkisins og nokkrir bændur hafa þróað undanfarin ár.

Námskeiðið er kjörinn vettvangur fyrir alla landnotendur sem vilja gera markvissa landnýtingaráætlun, s.s. bæta landkosti og beitarnýtingu vegna gæðastýringar í sauðfjárrækt og hrossarækt eða endurskoða landnotkun m.t.t. skógræktar, uppgræðslu, beitar o.fl. Áætlunin getur jafnframt verið liður í alhliða búrekstraráætlun.

Námskeiðið tókst í alla staði vel og voru þátttakendur á námskeiðinu 10 bændur. Auk þess sátu námskeiðið ráðunautur Leiðbeiningarmiðstöðvar Skagfirðinga, fræðslufulltrúi Landgræðslu ríkisins og fulltrúi Héraðsseturs Landgræðslunnar á Vesturlandi.
 

Dæturnar með í vinnuna

Í dag, 26. mars, stendur Auður í krafti kvenna fyrir Dæturnar með í vinnuna deginum. Hann gengur út á það að foreldrar fara með dæturnar sínar með í vinnuna og kynna fyrir þeim starfið sitt. Hugmyndin á bak við þetta er að stelpur kynnist störfunum sem best því það eru jú þær sem eiga eftir að vera 50 prósent af vinnuafli þjóðarinnar. 

Strákarnir fá ekki að koma með, vegna þess að það þykir sjálfsagt að þeir fari út að vinna frekar en við stelpurnar, svo það er ekki nein sérstök ástæða til þess að kynna fyrir þeim þann kost að fara út að vinna. 

Mörg fyrirtæki eru með sérstaka dagskrá fyrir dæturnar sem koma með í vinnuna, t.d. Opin Kerfi, þar fá stelpurnar að setja saman tölvur o.s.frv. Ég fékk hinsvegar ekkert verkefni annað en að skrifa um hvernig þessi dagur er. Mamma kynnti auk þess fyrir mér hvað hún gerir og svo var ég í tölvunni hennar á meðan hún tók til á skrifstofunni sinni.

Það voru ekki margar stelpur sem mættu með foreldrunum í vinnuna í dag fyrir utan mig, enda er komið páskafrí í skólanum. En Auður Guðmundsdóttir kom og fór í Skólalax með pabba sínum og Sigríður Vaka kom með pabba sínum. Kannski hafa komið fleiri en ég hef bara ekki tekið eftir þeim.

Mér finnst þetta mjög sniðug hugmynd og hlakka til að gera þetta á næsta ári?.

Jóhanna Thorarensen

Á myndinni eru Jóhanna á skrifstofu móður sinnar, Auður sem leit inn, en Sigríður Vaka var farin heim þegar myndin var tekin. Kannski þurfti hún að fá lúrinn sinn!
 
 
 

Landbúnaðarháskólinn á Hvanneyri og Hólaskóli:
Samstarf við University of Manitoba 

Þriðjudaginn 19. mars 2002, skrifuðu forráðamenn Landbúnaðarháskólans á Hvanneyri og Hólaskóla undir samstarfssamninga við University of Manitoba í Kanada. Samningar skólanna er að því leyti óvenjulegir að þeir er bæði stúdenta- og starfsmannasamningar og í þeim er meðal annars kveðið á um að nemendur íslensku skólanna tveggja geti dvalið 1-2 annir ytra án þess að borga skólagjöld. 

Fulltrúar skólanna þriggja sem skrifuðu undir samningana eru þeir Harold Bjarnason deildarforseti landbúnaðardeildar University of Manitoba, Skúli Skúlason skólameistari Hólaskóla og  Magnús B. Jónsson rektor Landbúnaðarháskólans á Hvanneyri.

Þessir samningar á milli skólanna  munu stórauka samstarf  þeirra á háskólasviði. Þar er kveðið á um árleg skipti á nemendum, kennurum og bókum sem gefnar eru út af háskólaútgáfum skólanna þriggja, auk þess sem fræðimönnum er veitt gagnkvæm starfsaðstaða til rannsókna. Einnig er í samningunum kveðið á um samstarfsráðstefnur sem halda skal á 18 mánaða fresti. Þær verða  í skólunum til skiptis, eða á þriggja ári fresti á hvorum stað og eiga sér í lagi að auðvelda gagnkvæman skilning á fræðasamfélagi skólanna og hvetja til samstarfs milli þeirra.
Þessir samningar Hólaskóla, LBH og University of Manitoba eru gerðir í framhaldi af samstarfssamningi sem Háskóli Íslands og Manitobaháskóli gerðu með sér í nóvember 1999.   Fyrsta ráðstefnan í framhaldi af því var haldin við Manitobaháskóla  í október árið 2000, undir yfirskriftinni Building a New Relationship. Þá bauð Manitobaháskóli 10 íslenskum fræðimönnum til ráðstefnuhalds og var megináherslan á íslenska arfleifð. Meðal kanadískra fyrirlesara var heiðursgestur geimfarinn Bjarni Tryggvason.   Fyrir nokkrum dögum var ráðstefnan í fyrsta sinn haldin hér á landi, þverfagleg samstarfsráðstefna með Manitobaháskóla undir yfirskriftinni Northern Countries – Norðlæg lönd. 
 
 

Skýrsla nefndar um ferðaþjónustu bænda komin út
Nefnd sem landbúnaðarráðherra skipaði og hafði það hlutverk að kanna hvernig styrkja mætti ferðaþjónustu bænda og efla tengsl hennar við samtök og stofnanir landbúnaðarins, leggur m.a. til að ráðuneytið hafi forystu um stefnumótun fyrir ferðaþjónustu bænda og að komið verði á fót embætti rannsókna- og gæðastjóra ferðaþjónustu bænda. Þá leggur nefndin til að Lánasjóður landbúnaðarins komi í auknum mæli að lánveitingum til uppbyggingar ferðaþjónustunnar til að efla rekstrarumhverfi hennar og auka og efla þurfi þróunarverkefni tengd ferðaþjónustu bænda. Er lagt til að komið verði á fót miðlægum bókunargrunni fyrir ferðaþjónustubændur á Netinu. Í nefndinni sátu Guðrún Þóra Gunnarsdóttir, Níels Árni Lund, Hrafnkell Karlsson og Sævar Skaptason

Guðrún meðal Finna
Í síðustu viku var Guðrún Helgadóttir í Finnlandi, nánar tiltekið við Mustiala, bændaskóla sem nú er hluti af Hame Polytechnic. Hún var að halda fyrirlestra á námskeiði um ferðaþjónustu í dreifbýli og eitt af því sem þátttakendum fannst frábært að kynnast af Íslandi er það þegar vefstjórinn á Hólum lítur út um gluggann !
Lítum á skjáinn til þeirra: http://www.mustiala.hamk.fi/ , þar er ensk útgáfa líka. Auk þess að kenna um ferðaþjónustu í dreifbýli eins og við er þessi skóli með hrossabraut og á vefsíðunni undir Articles er einmitt grein um hesta og hestamennsku í Finnlandi.
 
 
 
 

Styrktarsjóður stofnaður fyrir rannsóknir háskólastúdenta

Frétt frá Morgunblaðinu 21.1.2002:

Stofnaður hefur verið styrktarsjóðurinn Þekking stúdenta í þágu þjóðar sem mun veita stúdentum við Háskóla Íslands fimm milljónir króna í styrki til að vinna að rannsóknum víðs vegar um landið, að því er segir í fréttatilkynningu frá Stúdentaráði. Ráðið kom sjóðnum á fót í samstarfi við tíu sveitarfélög og Byggðastofnun. 

Boðað hefur verið til blaðamannafundar þar sem greint verður frá samningum Stúdentaráðs við sveitarfélögin tíu. Í fréttatilkynningunni segir að stúdentar hafi aldrei áður hlotið jafnmikla hvatningu til að vinna að rannsóknum á landsbyggðinni. Loks segir að með framtakinu vilji Stúdentaráð legga sitt af mörkum til þess að Háskóla Íslands sé kleift að „sinna hlutverki sínu sem þjóðskóli er stuðli að sköpun þekkingar á landinu öllu". 
 

Spádómur völvu
Ekkert er völvunni (hjá Séð og heyrt) óviðkomandi. Hvort sem það er ofan jarðar eða neðan. Hún minnist á uppgröft á Hólum í Hjaltadal. "Þar mun margt skemmtilegt koma í ljós. Ég sé fyrir mér helgimynd, kross. Ákveðna skýringu á kristindómnum, biskupsstólnum og öðru því sem okkur hefur þótt sjálfsagt um aldir. Þarna er um að ræða fund á merkilegu trúarlegu tákni." (Séð og heyrt nr.1 - 2002)

Brautskráning

Þann 12. maí 2001 brautskráði Hólaskóli 21 nemanda; hestafræðinga og leiðbeinendur, en það er ný námsgráða skólans, sem nemendur fá eftir vertrarlangt nám í hestafræðum á Hólum. Auk hestafræðinga og leiðbeinenda brautskráðust 3 nemendur sem voru í verknámi sl. vetur sem búfræðingar og tamningamenn.

Hæstu meðaleinkunn fékk danska stúlkan Anne Soelberg og fékk hún verðlaun frá Hrossaræktarsambandi Skagfirðinga, einnig hlaut Hinrik Þór Sigurðsson viðurkenningu fyrir hæstu einkunn á leiðbeinendaprófi.

Við athöfnina fluttu ávörp þeir Bolli Gústavsson víglsubiskup, Ingimar Ingimarsson formaður Hrossaræktarsambands Skagfirðinga og Ólafur Hafsteinn Einarsson formaður Félags tamningamanna auk Skúla Skúlasonar skólameistara. Jóhann Már Jóhannsson söng við undirleik Rögnvaldar Valbergssonar. 

Eftirtaldir nemendur brautskráðust:

Hestafræðingar og leiðbeinendur 
Alfreð Sigurður Kristinsson Reykjavík 
Anne Soelberg Danmörku
Berglind Sigurðardóttir Gunnarsstöðum 
Bertha Elise Kristiansen Noregi 
Brynhildur Ingibjörg Oddsdóttir Reykjavík 
Elín Magnúsdóttir Oddgeirshólum IV 
Gróa Sturludóttir Reykjavík
Guðmundur Birgir Kiernan Akureyri 
Heiðdís Arna Ingvarsdóttir Hólmavík
Heimir Gunnarsson Akureyri
Hinrik Þór Sigurðsson Hafnarfirði
Iðunn Silja Svansdóttir Dalsmynni 
Jakob Lárusson Bessastaðahreppi
Jóhanna Heiða Friðriksdóttir Varmalæk 
Mie Hedebo Knudsen Danmörku
Ólafur Magnússon Sveinsstöðum
Ragnheiður Þorvaldsdóttir Hvítárholti 
Reynir Atli Jónsson Þórshöfn
Sigríður Sesselia Sóldal Hólum, Helgafellssveit 
Sólrún Þóra Þórarinsdóttir Sauðárkróki
Sveinn Ingi Kjartansson Akureyri
Ævar Örn Guðjónsson Hvolsvelli

Búfræðingar 
Bryndís Kristjánsdóttir Borgaholti, Biskupstungum 
Milena Saveria van den Heerik Hollandi 
Vibeke Nather Danmörku

Brautskráðir nemendur Hólaskóla 12. maí 2001 ásamt Víkingi Gunnarssyni deildarstjóra hrossabrautar og Skúla Skúlasyni skólameistara. 

Á myndinni eru frá vinstri: Víkingur Gunnarsson, Anne Soelberg, Milena Saveria van den Heerik, Bryndís Kristjánsdóttir, Vibeke Nather, Mie Hedebo Knudsen, Bertha Elise Kristiansen, Guðmundur Birgir Kiernan, Reynir Atli Jónsson, Alfreð Sigurður Kristinsson, Berglind Sigurðardóttir, Jakob Lárusson, Sigríður Sesselia Sóldal, Sveinn Ingi Kjartansson, Ólafur Magnússon, Brynhildur Ingibjörg Oddsdóttir, Iðunn Silja Svansdóttir, Ragnheiður Þorvaldsdóttir, Jóhanna Heiða Friðriksdóttir, Gróa Sturludóttir, Sólrún Þóra Þórarinsdóttir, Elín Magnúsdóttir, Heiðdís Arna Ingvarsdóttir og Skúli Skúlason. Á myndina vantar þá Hinrik Þór Sigurðsson og Ævar Örn Guðjónsson

Frá Skeifudeginum sem haldinn var hátíðlegur 1. maí 2001

Hugmyndin um Ísland - námskeið á vegum ferðamálabrautar haldið á Hólum.