BS í reiðmennsku og reiðkennslu

 

Meginmarkmiðið er að veita nemendum fræðilega og hagnýta þekkingu og verklega færni í tamningum, þjálfun, reiðmennsku og reiðkennslu.

Fjallað er um líffræði hesta, atferli þeirra og náttúrulegt eðli. Nemendur læra einnig um meðferð og fóðrun hesta bæði fræðilega og með verklegri þjálfun. Farið er yfir sögu hestsins og gildi hestamennsku í samfélaginu.  Nemendur fá undirstöðumenntun í uppeldis- og kennslufræðum, aðferðafræði og vísindalegum vinnubrögðum sem byggt er ofan á með sérhæfðri reiðkennslu og æfingakennslu. Mikil áhersla er lögð á fræðilega þekkingu og verklega þjálfun í tamningum, þjálfun og reiðmennsku.

Við lok náms eiga nemendur að vera færir um fagleg störf sem tengjast reiðkennslu, tamningum, þjálfun, keppni og sýningum. Jafnframt eiga nemendur að hafa fengið trausta vísindalega grunnþjálfun sem nýtist til þátttöku í rannsóknaverkefnum, í framhaldsnámi og sjálfstæðri þekkingaröflun á sviði hestaþjálfunar, reiðmennsku og reiðkennslu.

Námið er fjölbreytt að viðfangi og aðferðum þar sem bókleg og verkleg kennsla er samþætt. Kennslan byggir á fyrirlestrum, lestri fagefnis, notkun myndbanda og fjölbreyttri verkefnavinnu nemenda. Mikil áhersla er lögð á verklega þjálfun á formi einkakennslu, hópkennslu og sýnikennslu. Nemandinn tekur þátt í sýningum og keppni og fjölbreyttri æfingakennslu. Viðamikið lokaverkefni er á þriðja námsári sem þjálfar nemendur í sjálfstæðum vinnubrögðum, að afla þekkingar, ásamt úrvinnslu og framsetningu gagna.

 

Náms- og kennsluskrá.

Aðgangsviðmið

Umsækjendur þurfa að standast inntökupróf í reiðmennsku.

Nauðsynlegur búnaður.

Kynningarefni.

 

 

Þú ert að nota: brimir.rhi.hi.is