Laus staða lektors við Fiskeldis- og fiskalíffræðideild | Háskólinn á Hólum

Laus staða lektors við Fiskeldis- og fiskalíffræðideild

Við Fiskeldis- og fiskalíffræðideild Háskólans á Hólum er laus staða lektors. Við erum að leita eftir einstaklingi sem hefur þekkingu og reynslu á sviði magnbundinna erfða. Þekking á kynbótum dýra og fiskeldi er kostur. 
 
Í starfinu felst:
Kennsla í grunn-og framhaldsnámi
Rannsóknir á sérsviði viðkomandi
Aðkoma að bleikjukynbótaverkefni háskólans 
Þátttaka í alþjóðlegum verkefnum og samstarfi
Virk þátttaka í gæðastarfi og stjórnun deildarinnar og háskólans
 
Menntunar- og hæfnikröfur:
Doktorspróf í líffræði, helst í magnbundum erfðum
Reynsla af rannsóknum á magnbundum erfðum, t.d. tengdum kynbótum
Reynsla í öflun rannsóknatekna
Hæfni í samskiptum og geta til samstarfs í nútímaháskólaumhverfi
Ábyrgð, frumkvæði, sjálfstæð vinnubrögð og skipulagshæfni
 
Fiskeldis- og fiskalíffræðideild Háskólans á Hólum býður upp á nám til diplómu í fiskeldisfræðum, MS-gráðu í sjávar og vatnalíffræði og samnorrænt meistaranám í sjálfbærri framleiðslu og notkun á sjávarauðlindum. Auk þess er deildin í samstarfi við Sjávarútvegsskóla Háskóla Sameinuðu þjóðanna um um sérhæft nám í fiskeldi. Sérfræðingar deildarinnar leiðbeina doktorsnemum og erlendrum rannsóknaverknemum. Innan deildarinnar hefur öflugt rannsóknastarf verið byggt upp og hún hefur umsjón með kynbótum á bleikju fyrir íslenskt fiskeldi. Starfsaðstaða deildarinnar er í Verinu á Sauðárkróki og í háskólaþorpinu á Hólum. Á Hólum er fjölskylduvænt samfélag, falleg náttúra og sögurík umgjörð. Sjá www.holar.is og www.holaraquatic.is
 
Um meðferð umsókna, mat á hæfi umsækjenda og ráðningu í starfið er farið eftir ákvæðum laga um opinbera háskóla nr. 85/2008 og reglna um nýráðningar og framgang akademískra starfsmanna við Háskólann á Hólum. Launakjör eru skv. kjarasamningi fjármálaráðherra og viðkomandi stéttarfélags. Um starfskjör, réttindi og skyldur gilda að öðru leyti lög um réttindi og skyldur starfsmanna ríkisins nr. 70/1996. 
 
Um 100 % stöðu er að ræða. Umsóknarfrestur er til og með 27. desember 2019 og er æskilegt að viðkomandi geti hafið störf sem fyrst. Nánari upplýsingar um starfið veitir Bjarni Kristófer Kristjánsson, deildarstjóri, í síma 455 6386, netfang bjakk@holar.is
 
Umsóknir skulu berast á netfangið umsoknir@holar.is merkt „lektor fiskeldi“. Með umsókn skal fylgja afrit af prófskírteinum, ferilskrá og samantekt fræðastarfs, auk greinargerðar um áform ef til ráðningar kemur. Með umsókn skal einnig fylgja úrval eigin ritverka sem umsækjandi vill að tekið sé tillit til við mat á hæfi. Umsækjandi skal útvega tvenn meðmæli sem meðmælendur senda beint á ofangreint netfang.
 
Öllum umsóknum verður svarað þegar ákvörðun um ráðningu liggur fyrir. 
 
Þú ert að nota: brimir.rhi.hi.is