Laust starf við skólabúið á Hólum

Laust er til umsóknar fullt starf aðstoðarmanns á skólabúi við Hestafræðideild Háskólans á Hólum. Hestafræðideild háskólans veitir fagmenntun á sviði hestafræða, tamninga, reiðmennsku og reiðkennslu og vinnur að þróun og nýsköpun fræðasviðsins í rannsóknastarfi. Hólar eru fjölskylduvænn staður og á staðnum er leik- og grunnskóli. 
 
Starfssvið
Umhirða hesta og bústörf. 
Almennt viðhald.
 
Menntunar- og hæfnikröfur
Reynsla af umhirðu hesta og almennum bústörfum æskileg. 
Aukin ökuréttindi og iðnmenntun kostur. 
Góð hæfni í mannlegum samskiptum og samvinnu. 
 
Um er að ræða 100% stöðu. Launakjör eru skv. kjarasamningum opinberra starfsmanna. Um starfskjör, réttindi og skyldur gilda að öðru leyti lög um réttindi og skyldur starfsmanna ríkisins nr. 70/1996. 
Umsóknarfrestur um stöðuna er til 23. júlí 2018 og er æskilegt að viðkomandi geti hafið störf sem fyrst. Háskólinn hvetur jafnt  karla og konur til að sækja um.
 
Vinsamlega sendið umsóknir ásamt ferilsskrá og staðfestingu á menntun til Háskólans á Hólum á netfangið umsoknir@holar.is, merkt skólabú. Nánari upplýsingar veita Sveinn Ragnarsson deildarstjóri í síma 861 1128 og Eysteinn Steingrímsson bústjóri í síma 898 6648. Athygli er vakin á því að umsóknir munu gilda í 6 mánuði frá því að umsóknarfrestur rennur út.
 
Öllum umsóknum verður svarað þegar ákvörðun um ráðningu hefur verið tekin.
 
Þú ert að nota: brimir.rhi.hi.is