Lektor í þroskunarfræði eldisfisks - laus staða

Háskólinn á Hólum auglýsir stöðu lektors í Fiskeldis- og fiskalíffræðideild lausa til umsóknar. Fiskeldis- og fiskalíffræðideild Háskólans á Hólum leggur áherslu á rannsóknir í fiskeldi með sérstöku tilliti til umhverfisvænna og arðbærra lausna í greininni, t.d. hvað varðar fóðurfræði, eldisumhverfi, endurnýtingu og kynbætur. Við deildina starfa 11 starfsmenn og auk þeirra á annan tug nemenda í meistara- og doktorsnámi.
 
 
Menntunar- og hæfnikröfur:
doktorspróf í þroskunarfræði fiska, með áherslu á eldisfisk
reynsla af rannsóknum í fiskeldi eða skyldum greinum, kennslu, stjórnun, mótun verkefna eða þróunarstarfi 
ábyrgð, frumkvæði og hæfni í mannlegum samskiptum
góð enskukunnátta
 
Um meðferð umsókna, mat á hæfi umsækjenda og ráðningu í starfið er farið eftir ákvæðum laga um opinbera háskóla nr. 85/2008 og reglna um nýráðningar og framgang akademískra starfsmanna við Háskólann á Hólum.
 
Um 100% stöðu er að ræða. Launakjör eru skv. kjarasamningum opinberra starfsmanna. Um starfskjör, réttindi og skyldur gilda að öðru leyti lög um réttindi og skyldur starfsmanna ríkisins nr. 70/1996. Umsækjandi þarf að geta hafið störf 1. mars 2017. Nánari upplýsingar veitir Bjarni Kristófer Kristjánsson í síma 455 6386. 
 
Umsóknarfrestur er til 27. desember 2017. Umsóknir skulu berast á netfangið umsoknir@holar.is. Umsækjendur skulu láta fylgja umsókn sinni afrit af prófskírteinum, ferilskrá og samantekt fræðastarfs, auk greinargerðar um áform ef til ráðningar kemur. Með umsókn skal einnig fylgja yfirlit ritverka og annars vísindalegs afraksturs sem umsækjandi vill að tekið sé tillit til við mat á hæfi, sem og nöfn tveggja umsagnaraðila.
 
Öllum umsóknum verður svarað þegar ákvörðun um ráðningu liggur fyrir. 
 
Þú ert að nota: brimir.rhi.hi.is