Samfélagsleg ábyrgð fyrirtækja | Háskólinn á Hólum

Samfélagsleg ábyrgð fyrirtækja

Á nýliðnum Menntadegi atvinnulífsins var Höldur útnefnt menntafyrirtæki ársins 2019. Höldur rekur m.a. Bílaleigu Akureyrar/Europcar. Geir Kristinn Aðalsteinsson mannauðsstjóri Hölds hélt nýlega erindi fyrir nemendur í námskeiðinu Stjórnun, sem kennt er í Ferðamáladeild háskólans. Þá kynnti hann fyrirtækið og hvernig það leggur sitt af mörkum til að stuðla að ábyrgri ferðaþjónustu á Íslandi. Ennfremur hvernig samfélagsleg ábyrgð Hölds endurspeglast út frá fimm meginþáttum, þ.e.  umhverfismálum, mannauði, íþróttum og menningu, öryggismálum og áhrifum á nærsamfélagið.

Hér er upptaka af erindinu en það var einnig í boði fyrir áhugasama í fyrirlestraröð Ferðamáladeildar, Vísindum og graut.  

Anna Vilborg Einarsdóttir.

Þú ert að nota: brimir.rhi.hi.is