Um nám í Fiskeldis- og fiskalíffræðideild

Fiskeldis- og fiskalíffræðideild Háskólans á Hólum býður upp á fjölbreytt nám tengt fiskeldi, nýtingu auðlinda og sjávar og vatnalíffræði. Deildin er alþjóðleg miðstöð rannsókna og kennslu og stuðlar að faglegri uppbyggingu fiskeldis í anda sjálfbærrar þróunar og kemur víða að þróunarstarfi á sínum fræðasviðum.
Fiskeldis- og fiskalíffræðideild er í samstarfi um kennslu og rannsóknir við fjölda háskóla og rannsóknastofnana hérlendis og erlendis. Nemendur taka virkan þátt í fjölbreyttum rannsókna- og þróunarverkefnum sem sérfræðingar deildarinnar vinna að og fá þannig að kynnast nýjungum og verklagi af eigin raun.

Meginaðsetur deildarinnar er í Verinu á Sauðárkróki. Verið er rannsókna-, kennslu-, nýsköpunar- og frumkvöðlasetur sem byggt var upp í samvinnu við Fisk Seafood, sem er eigandi hússins og stærsti styrktaraðili deildarinnar. Sérstaða Versins er að rannsóknar- og fræðastarfið þar nýtur góðs af nánum innbyrðis tengslum sem myndast á milli þeirra sem starfa þar.

Deildarstjóri er Bjarni Kristófer Kristjánsson

Diplómanám í fiskeldisfræði
Rannsóknatengt meistaranám í sjávar- og vatnalíffræði
Samnorrænt meistaranám í sjálfbærri framleiðslu og nýtingu lífrænna sjávarafurða (MAR-BIO)