Skiptinám

Háskólinn á Hólum er í samstarfi um skiptinám við nokkra erlenda skóla.
Alþjóðafulltrúi skólans er Anna Guðrún Edvardsdóttir sem aðstoðar og veitir ráðgjöf við nemendaskipti, líka ef starfsmenn Háskólans á Hólum óski eftir að fara utan til kennslustarfa.
Anna Guðrún er með netfangið arun@holar.is

Gestanám
Opinberir háskólar á Íslandi hafa með sér samkomulag um gestanám. Gestanám er skilgreint sem nám sem er stundað utan heimaskóla. Gestanemandi er nemandi sem er skráður við ákveðinn opinberan háskóla (heimaskóla) en fær heimild til að skrá sig í einstök námskeið í öðrum opinberum háskóla (móttökuskóla), án þess að greiða skrásetningagjald þar, enda hafi nemandinn þegar greitt gjaldið í sínum heimaskóla. Báðir skólar þurfa að samþykkja umsókn nemanda um gestanám.

Heimaskóli ber ábyrgð á námsferli nemandans og tryggir að námskeið sem nemandi lýkur við móttökuskólann nýtist honum til lokaprófs (háskólagráðu) í heimaskóla. Heimaskóli sér jafnframt um miðlun upplýsinga um námsframvindu til Menntasjóðs námsmanna (áður LÍN). Heimaskóli og móttökuskóli mega samkvæmt samningi veita hvor öðrum upplýsingar um námsferil nemanda, ef þurfa þykir.