Upplýsingar fyrir nýnema

Háskólasamstæða

Hvað þýðir það þegar ég sæki um nám í Háskólanum á Hólum fyrir skólaárið 2026–2027?

Nemendur sem sækja um nám við Háskólann á Hólum skólaárið 2026–2027 munu fá svar við umsókn sinni frá Háskólanum á Hólum í júní en umsóknarfrestur um grunnnám er 5. júní.

Fyrir Alþingi liggur nú lagafrumvarp um breytingar á lögum um háskóla sem m.a. fjallar um stofnun sérstakrar háskólasamstæðu en Háskólinn á Hólum og Háskóli Íslands hafa unnið að myndun hennar af miklum krafti síðustu mánuði. Beðið er eftir endanlegri niðurstöðu Alþingis, en þangað til halda skólarnir markvisst áfram undirbúningi að háskólasamstæðunni.

Verði lagafrumvarpið samþykkt á Alþingi án meiriháttar breytinga, og verði samstæðan stofnuð frá 1. júlí 2026 eins og áformað er, munu nemendur sem innritast í Háskólann á Hólum nú í vor hefja nám innan háskólasamstæðu Háskóla Íslands, nánar tiltekið við Háskóla Íslands á Hólum næsta haust.

Hvað þýðir þetta fyrir nemendur?

  • Námið sem verður í boði við Háskóla Íslands á Hólum verður óbreytt innan háskólasamstæðunnar og í samræmi við námskrá viðkomandi námsleiða eða námsbrauta sem þegar hefur verið birt fyrir fyrir námsárið 2026–2027.
  • Hestafræði verður kennd með sama hætti og verið hefur á Hólum í Hjaltadal.
  • Nám í ferðamálafræði og fiska- og fiskalíffræði verður sem fyrr í blönduðu námi með staðbundnum lotum og fjarnámi.
  • Skipulag náms og kennslu verður hjá viðkomandi deildum eins og verið hefur.
  • Umsóknir um nemendagarða verða með sama hætti og áður.
  • Stoðþjónusta fyrir nemendur við Háskóla Íslands á Hólum verður sú sama og nemendum við Háskóla Íslands stendur til boða.
  • Stúdentafélag við Háskólann á Hólum vinnur að samstarfi við Stúdentaráð Háskóla Íslands.

Frekari upplýsingar um háskólasamstæðuna má finna á upplýsingasíðu um samstæðuháskóla Háskólans á Hólum og Háskóla Íslands:

Spurt og svarað – Nemendur – Háskólasamstæða Háskóla Íslands og Háskólans á Hólum

Hægt er að hafa samband við þjónustuborð Háskólans á Hólum og senda fyrirspurnir varðandi nám og umsóknir á netfangið kennsla@holar.is.

Upplýsingar til nýnema og um móttöku nýnema næsta haust verða birtar á vef Háskólans á Hólum.

Nánari upplýsingar má einnig finna um: