Diplóma í sjálfbærni viðburða

Í diplómanámi í sjálfbærni viðburða er lögð áhersla á umhverfisstjórnun og sjálfbæra þróun. Námið hentar t.d. þeim sem vilja starfa við umhverfisstjórnun, viðburðastjórnun, verkefnastjórnun, ferðaþjónustu eða tengdar greinar. Nemendur öðlast þekkingu á sviði sjálfbærni og viðburðahalds og kynnast öryggismálum og lagaumhverfi viðburða. Áhersla er lögð á ábyrga stjórnun og stefnumótun þar sem tekið er mið af auðlindum, umhverfi, samfélagi og ólíkum hagsmunaaðilum.

Nemendur öðlast færni í sjálfstæðum vinnubrögðum m.a. í gegnum hagnýtt lokaverkefni þar sem hver nemandi getur sérhæft sig í viðfangsefni að eigin vali. Námið veitir grunn til frekara náms t.d. til að bæta við sig einu ári í diplóma í viðburðastjórnun og svo öðru ári til að ljúka BA gráðu í ábyrgri stjórnun viðburða og ferðaþjónustu. Námið er fjarnám með staðbundnum lotum sem hægt er að taka sem fullt nám eða hlutanám.

Þú getur skoðað skipulag námsins í Uglu, kennsluvef háskólans.