Kynning á veggspjaldaverkefnum nemenda í Rannsóknaraðferðum – tölfræði

Þann 5. desember fór fram kynning á verkefnum hjá nemendum á þriðja ári í námskeiðinu Rannsóknaraðferðir - tölfræði. Námskeiðið er 6 ECTS og kennt á haustönn.

Verkefnið felst í því að hanna og kynna veggspjald. Skipulögð er lítil „ráðstefna“ þar sem veggspjöldin eru sýnd og kynnt. Nemendur velja ritrýnda vísindagrein (frumrannsókn – „original research“), sem einnig verður notuð sem ein margra heimilda í BS lokaverkefni þeirra á vorönn. Þeim er frjálst að velja sér viðfangsefni innan hestamennskunnar og leita sér dýpri þekkingar um það.
Það er sérstaklega gaman að hlusta á verðandi fagmenn í hestamennsku og sjá hvaða atriði þeir velja að leggja áherslu á í kynningu sinni.

Umsjónarkennari í námskeiðinu Rannsóknaraðferðir - tölfræði er Guðrún Jóhanna Stefánsdóttir, dósent og kennari 'Veggspjalda gerð' er Elisabeth Jansen, Lektor