Viktor F. Aðalsteinsson varði meistararitgerð sína við Fiskeldis- og fiskalíffræðideild Háskólans á Hólum þann 27. maí síðastliðinn. Með vörninni lauk Viktor meistaragráðu sinni og markaði um leið mikilvægan áfanga á fræðilegum ferli sínum.

Menningar-, nýsköpunar- og háskólaráðuneytið og Rannsóknasetur skapandi greina hafa endurnýjað samning um starfsemi og uppbyggingu setursins til næstu þriggja ára. Samningurinn styrkir enn frekar rannsóknir og þekkingaruppbyggingu á sviði menningar og skapandi greina á Íslandi.

Alls voru 20 kandidatar brautskráðir frá Ferðamáladeild og Fiskeldis- og fiskalíffræðideild Háskólans á Hólum við hátíðlega athöfn þann 5. júní. Brautskráningin markaði jafnframt tímamót í sögu skólans, en þetta var síðasta brautskráningin sem fram fer í nafni Háskólans á Hólum áður en háskólasamstæða Háskóla Íslands og Háskólans á Hólum tekur formlega til starfa 1. júlí næstkomandi.

Edda Matthíasdóttir lét af störfum við Háskólann á Hólum í vor eftir farsælt starf frá haustinu 2021. Á þeim tíma gegndi hún lykilhlutverki skólans, fyrst sem sviðsstjóri mannauðs, gæða og reksturs og síðar sem framkvæmdastjóri háskólans.

Sunnudaginn 7. júní kl. 16:00 býður Sögusetur íslenska hestsins á Hólum til fræðsluerindis með Dr. Moniku Reißmann, sérfræðingi í erfðafræði húsdýra við Humboldt-háskólann í Berlín. Erindið fjallar um litaerfðir hrossa og þá erfðafræði sem liggur að baki fjölbreytileika lita og litamynstra í hrossastofnum.

Kelsey Stansberry varði meistararitgerð sína við Fiskeldis- og fiskalíffræðideild Háskólans á Hólum þann 5. maí síðastliðinn. Ritgerðin fjallar um áhrif dreifingar fæðu á hegðun og vöxt bleikju í straumvötnum og hlaut afar jákvæðar undirtektir við vörnina.

Föstudaginn 5. júní fer fram brautskráning nemenda við Ferðamáladeild og Fiskeldis- og fiskalíffræðideild Háskólans á Hólum. Við það tækifæri fagnar skólinn árangri nemenda sem hafa lokið námi sínu og hefja nýjan kafla á náms- og starfsferli sínum.

Háskólaráð Háskólans á Hólum samþykkti á fundi sínum 21. maí endurskoðaða gæðastefnu og rannsóknarstefnu skólans. Stefnurnar marka mikilvægar áherslur í þróun náms, kennslu og rannsókna við háskólann á komandi árum.

Alþingi hefur samþykkt frumvarp um háskólasamstæður sem felur í sér að Háskóli Íslands og Hólaskóli – Háskólinn á Hólum mega sameinast undir merkjum háskólasamstæðu Háskóla Íslands sem tekur formlega til starfa 1. júlí næstkomandi.

Lára Gunndís Magnúsdóttir, kennslustjóri við Háskólann á Hólum, lét af störfum í vor eftir farsælt þriggja ára starf við skólann. Á þeim tíma gegndi hún lykilhlutverki í daglegu starfi Háskólans á Hólum og kom að fjölbreyttum verkefnum á sviði náms- og kennslumála.