Brautskráningar við Háskólann á Hólum framundan

Brautskráning nemenda í hestafræði þann 23. maí

Brautskráning nemenda í hestafræði fer fram laugardaginn 23. maí. Dagurinn hefst á reiðsýningu útskriftarnemenda, sem er órjúfanlegur hluti námsloka í hestafræði við Háskólann á Hólum.

Reiðsýningin fer fram á reiðvellinum við hesthúsasvæði skólans og hefst kl. 10:00. Að henni lokinni fer fram verðlaunaafhending á hesthúsasvæðinu og síðan verður riðið til hópmyndatöku við Hóladómkirkju.

Brautskráningarathöfnin sjálf fer fram í aðalbyggingu skólans og hefst kl. 14:00.

Austan-Vatna verður með súpu og brauð til sölu í mötuneyti aðalbyggingar frá kl. 12:30–13:45. Að brautskráningu lokinni er útskrifuðum nemendum og gestum þeirra boðið til samveru með kaffi og meðlæti í mötuneyti skólans.

Brautskráning ferðamáladeildar og fiskeldis- og fiskalíffræðideildar þann 5. júní

Föstudaginn 5. júní fer fram brautskráning nemenda við ferðamáladeild og fiskeldis- og fiskalíffræðideild Háskólans á Hólum.

Athöfnin verður haldin í aðalbyggingu skólans og hefst kl. 14:00. Að lokinni brautskráningarathöfn og myndatöku verður útskrifuðum nemendum og gestum þeirra boðið til samveru ásamt kaffi og meðlæti í mötuneyti skólans.

Háskólinn á Hólum óskar útskriftarnemendum innilega til hamingju með áfangann og hlakkar til að fagna þessum tímamótum með nemendum og aðstandendum þeirra.