Nýnemadagar fara fram í Miðgarði í Varmahlíð

Miðgarður

Vegna framkvæmda í Aðalbyggingu Háskólans á Hólum þarf að færa Nýnemadaga í Menningarhúsið Miðgarð í Varmahlíð.

Ljóst er að þessi breyting hefur áhrif á áætlanir nýnema en reynt verður að koma til móts við þá eins og hægt er.

Boðið verður upp á rútuferðir í upphafi dags frá Hólum að Miðgarði og eftir að dagskrá lýkur heim að Hólum aftur.

Rútur fara frá Hólum kl. 8:15 á mánudagsmorgni og dagskrá hefst þar kl. 9:00. 

Að lokinni dagskrá í Miðgarði á mánudegi og þriðjudegi verður dagskrá síðdegis á Hólum þar sem nemendur gera sér glaðan dag. Sú dagskrá verður kynnt nánar á mánudag.

Skólinn mun bjóða nemendum upp á hádegishressingu í Miðgarði þessa daga.

Til upplýsinga er rétt að árétta:

Á Hólum er ekki matvöruverslun en veitingastaðurinn Kaffi Hólar verður opinn frá 8 á morgnanna til 9 á kvöldin alla vikuna. Næstu matvörubúðir eru á Sauðárkróki og í Varmahlíð.

Staðsetning námsins þessa daga:

Mánudagur og þriðjudagur: allir nýnemar í Miðgarði, Varmahlíð

Miðvikudagur:  Nemendur Ferðamáladeildar  í Miðgarði, Nemendur Hestafræðideildar og Fiskeldis- og fiskalíffræðideildar á Hólum.

Fimmtudagur: Nemendur Ferðamáladeildar í Miðgarði, Nemendur Hestafræðideildar  á Hólum og nemendur Fiskeldis- og fiskalíffræðideildar í vettvangsferð.

Föstudagur: Nemendur Ferðamáladeildar í Miðgarði, Nemendur Hestafræðideildar og Fiskeldis- og fiskalíffræðideildar á Hólum.