Reiðsýning BS-nema í reiðmennsku og reiðkennslu

Ljósmyndari: Kolla Gr

Margt var um manninn í áhorfendabrekkunni við hringvöllinn laugardaginn 24. maí 2025 þegar tíu BS‑nemar í hestafræði – frá Íslandi, Danmörku, Þýskalandi og Sviss – leiddu fram lokaverk sín í reiðmennsku. Viðburðurinn var jafnframt hluti af world ranking móti Ungmenna‑ og íþróttasambands Skagafjarðar (UMSS) og Hestamannafélagsins Skagfirðings sem haldið er árlega á Hólum. Nemendurnir sýndu sýnishorn úr verklegu námi sínu í reiðmennsku.

Samanlagðan árangur í öllum reiðmennskunámskeiðum hlaut Arney Ólöf Arnardóttir og tók því við verðlaunaskildinum Morgunblaðshnakknum 2025. Heiðurinn var enn sérstæðari þar sem faðir Arneyjar hafði hlotið sömu verðlaun fyrir rúmum sex áratugum.

Félag tamningamanna sæmdi Lýdíu Þorgeirsdóttur verðlaunum fyrir hæstu einkunn á lokareiðprófi, sem hún tók á hestinum Muggi hinum Mikla, og afhenti öllum útskriftarnemum bláa félagsjakka sem tákn nýrrar aðildar. Í ávarpi sínu hvatti Hólmfríður Sveinsdóttir rektor útskriftarhópinn til að nýta þekkingu sína til að efla velferð íslenska hestsins og styrkja tengslin við alþjóðlega hestamennsku.

Háskólinn á Hólum óskar öllum brautskráðum innilega til hamingju með þennan árangur og hlakkar til að fylgjast með framlagi þeirra til fagins, heima sem erlendis.