Samspil manna og dýra til umfjöllunar á viðburði Háskóla Íslands

Á morgun, 8. maí, fer fram viðburðurinn Samspil manna og dýra: Heilsa, velferð og tækifæri í alþjóðlegu samhengi í Háskóla Íslands, þar sem sérfræðingar frá Bandaríkjunum og Háskólanum á Hólum fjalla um vaxandi hlutverk dýra í heilbrigðis-, mennta- og félagsþjónustu.

Viðburðurinn fer fram í Sögu, S-054, í Háskóla Íslands og verður jafnframt streymt. Þar verður kastljósinu beint að samspili manna og dýra með áherslu á áhrif þeirra á heilsu, velferð og samfélag.

Meðal fyrirlesara eru þær Nina Ekholm Fry og Erika Berg sem starfa með Háskólanum á Hólum á sviði þjónustu með aðstoð dýra og hesta. Í erindum sínum munu þær meðal annars fjalla um þróun fræðasviðsins á Norðurlöndum og í Bandaríkjunum, notkun dýra í heilbrigðisþjónustu og mikilvægi velferðar dýra í slíku starfi.

Einnig verður fjallað um uppbyggingu dýratengdrar þjónustu á Íslandi og nýleg rannsóknar- og þróunarverkefni við Háskólann á Hólum sem styðja við þróun þessa vaxandi sviðs.

Viðburðurinn tengist jafnframt ráðstefnunni Þjónusta með aðstoð dýra, sem fram fer á Hólum dagana 15.–16. maí. Ráðstefna um þjónustu með aðstoð dýra - 15.-16.maí | Háskólinn á Hólum

👉 Nánari upplýsingar um viðburðinn má finna hér:
Viðburður Háskóla Íslands