Samstarf Háskólans á Hólum og Náttúruminjasafns Íslands

Hólmfríður Sveinsdóttir rektor Háskólans á Hólum og Hilmar J. Malmquist forstöðumaður Náttúruminjasafns Íslands undirrituðu 31. janúar síðastliðinn rammasamkomulag um samstarf stofnananna um rannsóknir og miðlun á sviði náttúrufræða. Markmið samkomulagsins er að efla samstarf fræðimanna og nemenda á vegum stofnananna um rannsóknir og miðlun á fræðasviðum sínum.

Innblástur og framfarir

Rannsóknasetur skapandi greina var stofnað síðastliðið sumar og efnir nú til síns fyrsta málþings. Á málþinginu verður fjallað um fyrirliggjandi rannsóknir á menningu og skapandi greinum og þörf á frekari rannsóknum og greiningum. Rannsóknir á atvinnulífi menningar og skapandi greina skortir tilfinnanlega í dag en þær eru forsenda fyrir uppbyggingu atvinnuvegarins og skilningi stjórnvalda og hagsmunaaðila á einkennum, tækifærum og áskorunum

Háskóladagurinn í Reykjavík

Háskóladagurinn verður 2. mars. Hvetjum alla til að koma og kynna sér allt það spennandi nám sem er í boði.

RSG framlengir umsóknafrest

Rannsóknasetur skapandi greina hefur ákveðið að framlengja umsóknarfrest vegna rannsóknastyrkja til meistaranema til 22. mars næstkomandi. Styrkirnir eru ætlaðir meistaranemum sem vinna lokaverkefni um atvinnulíf menningar og skapandi greina og þau fjölþættu og fjölbreyttu samfélags- og efnahagsáhrif sem þessi starfsemi leiðir af sér. Umsækjendur þurfa að stunda meistaranám við viðurkenndan háskóla, hvort sem er á Íslandi eða erlendis, og verkefnið þarf að fjalla um eða hafa tengingu við íslenskt samfélag.

Hólar í Hjaltadal – Endurreisn þjóðmenningarstaðar

Nú í febrúar kom út skýrsla um frumhönnun endurreisnar þjóðmenningarstaðarins Hóla í Hjaltadal. Höfundur skýrslunnar er Arna Björg Bjarnadóttir en skýrslan er unnin af frumkvæði Háskólans á Hólum, vígslubiskups Hólastiftis, Söguseturs íslenska hestsins og SSNV með stuðningi frá Framkvæmdasjóði ferðamannastaða.

Doktorsvörn Meghan Orman þann 29. febrúar, 2024

Meghan kom til Íslands sem Fulbright fræðimaður. Hún vann einnig að verkefni með Youth for Arctic Nature undir forystu Dr. Jessica Aquino (frá Háskólanum á Hólum) á Íslandi og í Noregi.

Aðlögun hornsíla á Íslandi að heitu vatni – Ný grein

Hnattræn hlýnun er talin hafa verulega neikvæðar afleiðingar fyrir margar tegundir lífvera. Tegundir í ferskvatni sem treysta á umhverfishita til að viðhalda efnaskiptum eru sérstaklega viðkvæmar, því oft eiga þær enga möguleika á að flytja í betri búsvæði. Þær hafa því aðeins tvo möguleika, að aðlagast hækkuðum hita eða að deyja út.

Fjölbreytni innan tegunda og hvernig skal vernda hana – ný grein

Fjölbreytni innan tegunda er mjög algeng hjá ferskvatnsfiskum á norðurslóðum. Slík fjölbreytni er sérstaklega áberandi hér á landi og er tilkomin vegna flókins samspils vist-, þróunar- og þroskunarfræðilegra þátta sem leiða til myndunar afbrigða og jafnvel nýrra tegunda.

Inngilding, jaðarsetning og mannréttindi á Jafnréttisdögum í næstu viku

Rétturinn til mótmæla, inngilding í stjórnmálum og samfélagi, aðgerðir gegn hatursorðræðu, áskoranir íslensks fjölmenningarsamfélags, tónleikar með Elínu Hall og hvít forréttindi og rasismi er meðal þess sem verður til umfjöllunar á árlegum Jafnréttisdögum sem fram fara í háskólum landsins dagana 12.-15. febrúar.

Jafnréttisdagar 12.-15. febrúar 2024

Jafnréttisdagar- samstarf allra íslnsku háskólana byrja 12. febrúar með þéttri dagskrá