Ragnheiður Halldórsdóttir hefur verið ráðin í stöðu kennslustjóra Háskólans á Hólum og mun hefja störf í ágúst.

Vinsamlegast athugið að vegna breytinga á tölvukerfi, fimmtudaginn 25. júní, verða truflanir á símkerfi skólans. Jafnframt geta orðið truflanir á tölvupóstssamskiptum í gegnum netföng starfsmanna og nemenda skólans.

Fimmtudaginn 25. júní verða framkvæmdar breytingar á tölvukerfum Háskólans á Hólum vegna sameiningar við kerfi Háskóla Íslands. Starfsfólk og nemendur eru beðin um að kynna sér upplýsingar sem eru á heimasíðu Upplýsingatæknisviðs HÍ.

Háskólinn á Hólum hefur skilað sjálfsmatsskýrslu vegna stofnunarúttektar Gæðamats háskóla sem fram fer í nóvember á Háskólasamstæðu Háskóla Íslands. Úttektin nær bæði til Háskóla Íslands sem samstæðuháskóla og Háskóla Íslands á Hólum sem aðildarháskóla.

Þjónustuborð Háskólans á Hólum verður lokað frá 15. júní til 11. ágúst vegna sumarleyfa. Þjónustusími skólans verður opinn til og með 26. júní til 4. ágúst.

Viktor F. Aðalsteinsson varði meistararitgerð sína við Fiskeldis- og fiskalíffræðideild Háskólans á Hólum þann 27. maí síðastliðinn. Með vörninni lauk Viktor meistaragráðu sinni og markaði um leið mikilvægan áfanga á fræðilegum ferli sínum.

Menningar-, nýsköpunar- og háskólaráðuneytið og Rannsóknasetur skapandi greina hafa endurnýjað samning um starfsemi og uppbyggingu setursins til næstu þriggja ára. Samningurinn styrkir enn frekar rannsóknir og þekkingaruppbyggingu á sviði menningar og skapandi greina á Íslandi.

Alls voru 20 kandidatar brautskráðir frá Ferðamáladeild og Fiskeldis- og fiskalíffræðideild Háskólans á Hólum við hátíðlega athöfn þann 5. júní. Brautskráningin markaði jafnframt tímamót í sögu skólans, en þetta var síðasta brautskráningin sem fram fer í nafni Háskólans á Hólum áður en háskólasamstæða Háskóla Íslands og Háskólans á Hólum tekur formlega til starfa 1. júlí næstkomandi.

Edda Matthíasdóttir lét af störfum við Háskólann á Hólum í vor eftir farsælt starf frá haustinu 2021. Á þeim tíma gegndi hún lykilhlutverki skólans, fyrst sem sviðsstjóri mannauðs, gæða og reksturs og síðar sem framkvæmdastjóri háskólans.

Sunnudaginn 7. júní kl. 16:00 býður Sögusetur íslenska hestsins á Hólum til fræðsluerindis með Dr. Moniku Reißmann, sérfræðingi í erfðafræði húsdýra við Humboldt-háskólann í Berlín. Erindið fjallar um litaerfðir hrossa og þá erfðafræði sem liggur að baki fjölbreytileika lita og litamynstra í hrossastofnum.